ကိုယ့်ခြေသည်းက အတွင်းထဲကို စိုက်နေတာမျိုးဆိုရင် ရှည်လာတဲ့အခါ အရမ်းနာပါတယ်။ အရမ်းဆိုးလာရင်တော့ သက်ဆိုင်ရာ ကျွမ်းကျင်သူတွေနဲ့ ကလော်တာ၊ ပုံသွင်းတာမျိုးတွေ လုပ်သင့်ပါတယ်။ ဒီလို ခြေသည်းက Ingrown ဖြစ်ပြီး အရမ်းအခြေအနေမဆိုးခင်မှာ နာကျင်တာလောက်ဆိုရင်တော့ ဒီနည်းလမ်းတွေနဲ့ သက်သာအောင် လုပ်လို့ရပါတယ်။

Tea Tree Essential Oil

Tea Tree Essential Oil – ၂ စက်၊ ၃ စက်ကို အုန်းဆီ (သို့) သံလွင်ဆီနဲ့ ရောပြီးတော့ ခြေချောင်းထိပ်လေးတွေ၊ ဖြစ်နေတဲ့နေရာကြားထဲအထိ ဝင်အောင်လိမ်းပေးပါ။ တစ်နေ့ကို ၂ ကြိမ် ပုံမှန်လုပ်ပေးမယ်ဆိုရင် သက်သာသွားမှာပါ။

Epsom Salt

ဇလုံထဲကို ရေနွေးထည့်ပြီး Epsom Salt – စားပွဲတင်ဇွန်း ၃ ဇွန်းထည့်ကာ ခြေထောက်ထည့်စိမ်ထားပါ။ မိနစ် ၂၀ လောက်စိမ်ပေးရင် ရပါပြီ။ ဒီနည်းလမ်းကို လုပ်မယ်ဆိုရင် တစ်နေ့ကို ၂ ကြိမ်၊ ၃ ကြိမ် ပုံမှန်လုပ်ပေးပါ။

အုန်းဆီ

အုန်းဆီစစ်စစ်ကို ခြေချောင်းထိပ်နဲ့ Ingrown ဖြစ်နေတဲ့ ခြေသည်းကြားထဲအထိ ရောက်အောင်လို့ လိမ်းပေးပါ။ ခြေသည်းပတ်ပတ်လည်ကိုလည်း လိမ်းပေးပါ။ တစ်နေ့ ၂ ကြိမ် ပုံမှန်လုပ်ပေးရုံနဲ့ သက်သာစေပါတယ်။

Apple Cider Vinegar

Apple Cider Vinegar ကို ဂွမ်းလုံးလေးနဲ့ယူပြီးတော့ ခြေသည်းပတ်ပတ်လည်နဲ့ ဖြစ်တဲ့ခြေသည်းကြားထဲကိုဝင်အောင် လိမ်းပေးပါ။ ဂွမ်းလုံးကို Apple Cider Vinegar ထဲနှစ်ပြီးတော့မှ လိမ်းမယ်ဆိုရင် ပိုကောင်းပါတယ်။ တစ်နေ့ကို ၂ ကြိမ် ပုံမှန်လုပ်ပေးမယ်ဆိုရင်တော့ နာကျင်တာတွေ သက်သာလာမှာပါ။

နနွင်းမှုန့်

နနွင်းမှုန့် – လက်ဖက်ရည်ဇွန်း ၁ ဇွန်းကို ရေနဲ့ ပျစ်ပျစ်လေးဖြစ်အောင် ရောမွှေပေးပါ။ ပြီးရင် ခြေသည်းပတ်ပတ်လည်ကို လိမ်းပြီးတော့ ဖြစ်တဲ့နေရာကို အုံထားပေးပါ။ တစ်နေ့ကို ၂ ကြိမ် ပုံမှန်လုပ်ပေးရင် သက်သာလာပါလိမ့်မယ်။