လက်သည်းလေးတွေပိုလှပြီးကျန်းမာလာအောင် အိမ်မှာအလွယ်တကူလုပ်လို့ရမယ့် နည်းလမ်းကောင်းများ

လက်သည်းလေးတွေပိုလှပြီး ကျန်းမာလာအောင် အိမ်မှာအလွယ်တကူလုပ်လို့ရမယ့် နည်းလမ်းကောင်းတွေကို ပြောပြပေးလိုက်ပါတယ်။ လက်သည်းဝါညစ်နေတယ်၊ လက်သည်းခဏခဏ ကျိုးပဲ့နေတယ်ဆိုရင် ဒီနည်းလမ်းတွေကိုသာ လုပ်ကြည့်လိုက်ပါ။

ကြက်သွန်ဖြူ

ကြက်သွန်ဖြူကိုထောင်းပြီး ရလာတာကိုမှ လက်သည်းမှာပွတ်ပေးပါ။ လက်သည်းမှိုစွဲတာတွေ သက်သာပျောက်ကင်းစေပါတယ်။

Apple cider vinegar နဲ့ ရေ

Apple cider vinegar နဲ့ ရေကို ဆတူရောပြီး ခွက်ထဲထည့်ပါ။ ပြီးရင် အဲ့ထဲကို မိနစ် ၃၀ လောက် လက်သည်းနစ်အောင် ထည့်စိမ်ထားပါ။ ဒီနည်းလမ်းကတော့ လက်သည်းဝါညစ်တာ၊ မှိုစွဲတာတွေ သက်သာစေပါတယ်။

အုန်းဆီနဲ့ Massage လုပ်ခြင်း

လက်သည်းကို အုန်းဆီလိမ်းပြီး လက်ချောင်းလေးတွေနဲ့ ညတိုင်း massage လုပ်ပေးမယ်ဆိုရင် လက်သည်းကျန်းမာစေပြီး အရှည်မြန်စေတယ်၊ လက်သည်းသန်စွမ်းစေတယ်၊ လက်စွယ်ငုတ်တာတွေ၊ အသားမာတက်တာတွေ သက်သာစေပါတယ်။

Biotin

လက်သည်းခဏခဏကျိုးပဲ့တယ်၊ လက်သည်းမကောင်းဘူးဆိုရင် biotin supplement သောက်တာပဲဖြစ်ဖြစ်၊ biotin ဓာတ်ပါတဲ့ အစားအသောက်တွေ ပန်းဂေါ်ဖီ၊ ကြက်ဥ၊ ငှက်ပျောသီး၊ မှို စတာတွေကို နေ့တိုင်းစားပေးပါ။

သံပယိုရည်နဲ့ မုန့်ဖုတ်ဆိုဒါ

သံပယိုရည်နဲ့ မုန့်ဖုတ်ဆိုဒါကို ပျစ်ပျစ်လေးဖြစ်အောင် ရောမွှေပြီး ဂွမ်းတံလေးနဲ့ယူကာ လက်သည်းကို ပွတ်ပေးပါ။ ၁၀ မိနစ်လောက်ပွတ်ပြီးရင် ရေဆေးသန့်စင်လိုက်ပါ။ ဒီနည်းလမ်းကတော့ လက်သည်းဝါညစ်တာတွေ သက်သာစေပြီး လက်သည်းဖြူစေပါတယ်။

Tea tree oil

လက်သည်းကို tea tree oil လိမ်းပေးရင် လက်သည်းမှိုစွဲတာတွေ သက်သာစေပြီး healthy nails ကို ရရှိစေပါတယ်။

သခွားသီး

သခွားသီးမှာက vitamins A, E, B1, B2, B3, and C, calcium, iron စတဲ့ဓာတ်တွေ ပါဝင်တာကြောင့် လက်သည်းကျန်းမာဖို့အတွက် အရမ်းကောင်းပါတယ်။ လက်သည်းတွေ ခဏခဏကျိုးပဲ့နေတယ်ဆိုရင် သခွားသီးကို ကြိတ်ပြီး အရည်ရအောင် ညှစ်ချပါ။ ရလာတဲ့ သခွားသီးအရည်ထဲကိုမှ လက်သည်းထည့်စိမ်ပါ။ ၅ မိနစ်လောက် စိမ်ပေးရင် ရပါပြီ။