မိုးရွာတဲ့အချိန် အိမ်မှာနေရရင်တော့ ကော်ဖီလေးသောက်လိုက် ရုပ်ရှင်လေးကြည့်လိုက်နဲ့ ဇိမ်ပါပဲ။ ဒါပေမယ့် မိုးရွာတဲ့နေ့ မဖြစ်မနေ အပြင်ထွက်ရတော့မယ်ဆိုရင်တော့ ဒါတွေကို ယူသွားဖို့မမေ့ပါနဲ့။
ထီး
မိုးရေက မှန်းလို့မရတာမလို့ ထီးယူသွားဖို့ မမေ့ပါနဲ့။ ထီးအကြီးကြီးတွေမသယ်ချင်ဘူးဆိုရင်တော့ အိတ်နဲ့ အံဝင်ခွင်ကျဖြစ်အောင် ကျစ်ကျစ်လျစ်လျစ် ခေါက်လို့ရတဲ့ အိတ်ဆောင်ထီးတွေ သယ်လို့ရပါတယ်။
မိုးကာအင်္ကျီ
ကျောင်းသားတွေ ၊ ခရီးသည်တွေနဲ့ အထူးသဖြင့် ဆိုင်ကယ်သမားများအတွက်တော့ မိုးကာအင်္ကျီက ပိုအဆင်ပြေပါတယ်။
ရေစိုခံဖိနပ်
မိုးရွာတဲ့အချိန်မှာတော့ မိုးရေထဲချော်မလဲစေဖို့နဲ့ အန္တရာယ်ကင်းစေဖို့ ရေစိုခံဖိနပ်များကို ရွေးပါ။
ရေစိုခံ ကျောပိုးအိတ်
မိုးရွာတဲ့အချိန်မှာတော့ သယ်လာတဲ့ပစ္စည်းတွေ ရေမစိုဖို့အတွက်က ချည်အိတ်တွေထက် ပိုလီစီယမ် ဒါမှမဟုတ် ကင်းဗတ်များနဲ့လုပ်ထားပြီး ပေါ့ပေါ့ပါးပါးရှိတဲ့ ကျောပိုးအိတ်တွေက ပိုသင့်တော်ပါတယ်။
ရေစိုခံ ဖုန်းကာဗာ
မိုးရေဝင်လို့ ဖုန်းပျက်စီးတာကနေကာကွယ်ဖို့အတွက် ရေစိုခံ ဖုန်းကာဗာ တစ်ခုကတော့ မရှိမဖြစ်လိုအပ်ပါတယ်။
ရေစိုခံအိတ်
ပိုက်ဆံ၊ သော့၊ အားသွင်းကြိုး ၊ နားကြပ်နဲ့ အလှကုန်တို့လို မရှိမဖြစ်လိုအပ်တဲ့ ပစ္စည်းတွေရေမစိုဖို့အတွက် ရေစိုခံအိတ်ထဲ ထည့်သိမ်းလို့ရပါတယ်။
