သွားဝါတာသက်သာအောင်လုပ်ပေးနိုင်တဲ့ လွယ်ကူသောနည်းလမ်း ၅ မျိုး

သွားဝါတာက သက်သာအောင်လုပ်ပေးနိုင်တဲ့ နည်းလမ်း ၅ မျိုးကို မျှဝေပေးလိုက်ပါတယ်။ ဒီနည်းလမ်းတွေက အိမ်တွင်းဖြစ် သဘာဝနည်းလမ်းတွေလည်း ဖြစ်သလို လုပ်ရတာလည်း လွယ်ကူတဲ့ နည်းလမ်းတွေ ဖြစ်ပါတယ်။

မီးသွေး

ရိုးရိုးမီးသွေးမဟုတ်ပဲ Activated ဖြစ်တဲ့ မီးသွေးကိုသုံးရမှာပါ။ အဲ့ဒီမီးသွေးပြီး သွားပွတ်တံနဲ့ယူပြီး ပုံမှန်အတိုင်းပဲ သွားတိုက်ပေးရမှာဖြစ်ပါတယ်။

သံပယိုရည်

သံပယိုရည်ကို ရေနဲ့ဆတူရောပြီး အာလုတ်ကျင်းပေးရမှာပါ။ ဒီလိုလုပ်ပေးတာက သွားဝါတာ သက်သာစေပြီး ခံတွင်းအနံ့လည်း ကောင်းစေပါတယ်။ ဒီနည်းလမ်းကို ရွေးလုပ်မယ်ဆိုရင်တော့ တစ်ပတ်တစ်ကြိမ်လောက်ပဲ လုပ်ပေးပါ။

မုန့်ဖုတ်ဆိုဒါ

မုန့်ဖုတ်ဆိုတာကို နည်းနည်းလေးပဲယူပြီး ပန်းကန်ထဲထည့်၊ ပြီးရင် သံပယိုရည် နည်းနည်းညှစ်ချပါ။ ပြီးရင်တော့ ရောမွှေပြီး သွားပွတ်တံနဲ့ယူကာ သွားတိုက်ပေးပါ။ သွားဝါတာသက်သာစေပြီး သွားဖြူလာစေဖို့ အထောက်အကူပြုတဲ့ နည်းလမ်းဖြစ်ပါတယ်။ တစ်ပတ်တစ်ကြိမ်ထက် ပိုမလုပ်ပါနဲ့။

Apple Cider Vinegar

Apple Cider Vinegar ကို ရေနဲ့ဆတူရောပြီး အာလုတ်ကျင်းပေးပါ။ ပြီးရင်တော့ သွားပြန်တိုက်ပေးပါ။ ဒါလည်း သွားဝါတာသက်သာစေတဲ့ နည်းလမ်းပါပဲ။

သံပယိုရည်နဲ့သွားတိုက်ဆေး

သံပယိုရည်နဲ့သွားတိုက်ဆေးကို ရောမွှေပါ။ ပြီးရင် ဆားကြမ်းနည်းနည်းထည့်ပြီး ထပ်မွှေပါ။ ပြီးရင်တော့ လက်နဲ့ပဲယူပြီး သွားကိုပွတ်ပေးပါ။ သွားဝါတာ သက်သာစေပါတယ်။