ခန္ဓာကိုယ်အနံ့အသက်ဆိုးတွေနဲ့ ခံတွင်းနံ့တွေကိုပါ တိုက်ထုတ်ပေးမယ့် လွယ်ကူသောနည်းလမ်း ၅ မျိုး

လူတိုင်းရဲ့ အလှအပရေးရာအတွက် body odor ကလည်း အရမ်းအရေးကြီးပါတယ်။ ဒါကြောင့် ခန္ဓာကိုယ်အနံ့အသက်ဆိုးတွေနဲ့ ခံတွင်းအနံ့နံတာတွေကိုပါ တိုက်ထုတ်ပေးမယ့် လွယ်ကူသော နည်းလမ်းကောင်း ၅ မျိုးကို မျှဝေပေးလိုက်ပါတယ်။

ရှာလကာရည်နဲ့ခြေထောက်စိမ်ခြင်း

ရှာလကာရည် – ၁ ဆ၊ ရေ – ၂ ဆနဲ့ ကိုယ်ကြိုက်နှစ်သက်ရာ essential oil တစ်ခုခုကို နည်းနည်းထည့်ပြီး ၁၅ မိနစ်လောက် ခြေထောက်စိမ်ပေးပါ။ ဒီလိုစိမ်ပေးခြင်းက ခြေဆီထွက်တာ၊ ခြေထောက်အနံ့နံတာတွေ၊ ချွေးနံ့ထွက်တာတွေ ပျောက်စေပါတယ်။ တစ်နေ့တစ်ကြိမ် ပုံမှန်လုပ်ပေးရင် အကောင်းဆုံးပါပဲ။

Coffee Scrub

Coffee scrub နဲ့ scrub တိုက်ပေးခြင်းက ဆဲလ်သေတွေကို ဖယ်ရှားပေးရုံတင်မဟုတ်ပဲ ခန္ဓာကိုယ်အနံ့အသက်ဆိုးတွေကိုပါ ဖယ်ရှားပေးပါတယ်။ သွေးလည်ပတ်မှုလည်း ကောင်းမွန်စေပြီး အသားကြည်စေပါတယ်။ တစ်ပတ်တစ်ကြိမ် (သို့) ၅ ရက် တစ်ကြိမ် ပုံမှန်လုပ်ပေးပါ။

Deodorant Stick

ဂျိုင်းချွေးထွက်တတ်ရင်၊ ဂျိုင်းချွေးနံ့နံရင် deodorant stick သုံးပေးပါ။ Roll on တွေသုံးတာထက် deodorant stick သုံးတာက ပိုအဆင်ပြေပါတယ်။ ဂျိုင်းချွေးနံ့ကို အပြည့်အဝထိန်းပေးပြီး ဂျိုင်းမဲတာမျိုးလည်း မဖြစ်စေပါဘူး။ ခန္ဓာကိုယ်အနံ့အသက်လည်း ကောင်းစေပါတယ်။

အုန်းဆီနဲ့ပလုတ်ကျင်းခြင်း

အုန်းဆီစစ်စစ် စားပွဲတင်ဇွန်း ၁ ဇွန်း (သို့) ၂ ဇွန်းလောက်ကို ပါးစပ်ထဲထည့်ပြီး ၅ မိနစ်လောက် ပလုတ်ကျင်းပေးပါ။ အချိန်ပြည့်မှ ထွေးထုတ်ပါ။ ပြီးရင် ရေကြက်သီးနွေးနဲ့ ပလုတ်ပြန်ကျင်းပါ။ ဒီနည်းလမ်းကတော့ ခံတွင်းအနံ့နံတာကို သိသိသာသာ သက်သာပျောက်ကင်းစေပါတယ်။ မနက်အိပ်ယာထတိုင်း လုပ်ပေးရင် အကောင်းဆုံးပါပဲ။

မုန့်ဖုတ်ဆိုဒါ

ဂျိုင်းချွေးနံ့အရမ်းနံရင် မုန့်ဖုတ်ဆိုဒါ – ၁ ဆနဲ့ အုန်းဆီ – ၂ ဆကို ရောမွှေပြီး ပျစ်ပျစ်လေးဖြစ်သွားရင် လက်နဲ့ယူကာ ဂျိုင်းကိုပွတ်ပြီး ဖြေးဖြေးချင်းစီ massage လုပ်ပေးပါ။ ခြောက်သွားမှ ရေဆေးချပြီး ပြန်သန့်စင်ပါ။ ဒီနည်းလမ်းကတော့ ဂျိုင်းချွေးနံ့နံတာကို သက်သာပျောက်ကင်းစေဖို့ ကူညီပေးပါတယ်။ တစ်ပတ်တစ်ကြိမ်ပဲ လုပ်ပေးပါ။