ပျိုမေတို့ရဲ့အိမ်မက်တစ်ခုဖြစ်တဲ့ အဆီကျလှပသွယ်လျတဲ့ ခန္ဓာကိုယ်လေးရရှိဖို့ဆိုတာကို ရေသောက်ရင်းနဲ့လည်း အရယူလို့ရပါတယ်နော်။ ရေသောက်ရင်းနဲ့ဝိတ်ကျစေမယ်ဆိုတော့ မဖြစ်နိုင်ဘူးလို့ သံသယဝင်နေတယ်မှတ်လား။ ရေများများသောက်တဲ့အခါမှာ သင့်ခန္ဓာကိုယ်ထဲမှာရှိနေတဲ့ အဆိပ်အတောက်တွေကို လျော့နည်းသွားစေပြီး အသားအရေကိုလည်း လှပစေပါတယ်။ ဒါပေမယ့် ရေထဲမှာဗီတာမင်ဓာတ်တွေ ကြွယ်ဝစွာပါဝင်တဲ့အသီးနှံတွေကိုထည့်ပြီး သောက်ပေးမယ်ဆိုရင်တော့ ပိုပြီးအကျိုးသက်ရောက်မှုရှိစေပါတယ်နော်။
ကဲ…ခန္ဓာကိုယ်ရဲ့အဆီပိုတွေကို ဖယ်ရှားပစ်နိုင်ဖို့ ရေကို ဘယ်လိုနည်းလမ်းလေးတွေနဲ့ သောက်သုံးပေးရမလဲဆိုတာ အတူတူကြည့်လိုက်ရအောင်…
ရှောက်သီး သို့မဟုတ် သံပုရာသီး
Source: Prevention.com
ရှောက်သီး သို့မဟုတ် သံပုရာသီးကို ရေထဲထည့်ပြီး သောက်တာကတော်တော်လေးကို အကျိုးသက်ရောက်မှုများပါတယ်။ သင်သောက်နေကျရေဘူးထဲကို ရှောက်သီး သို့မဟုတ် သံပုရာသီးကို အကွင်းလိုက်လှီးထားတာတွေကို ထည့်ပြီး ရေနဲ့ရောပြီးသောက်မယ်ဆိုရင်တော့ သင့်ကိုဗီတာမင်ဓာတ်တွေ ကြွယ်ဝစွာရရှိနေစေပြီးသင့်အသားအရေကိုလည်း ကြည်လင်စေပါတယ်။ ခန္ဓာကိုယ်ထဲမှာရှိတဲ့ မလိုအပ်တဲ့အဆီတွေကိုလည်း ဖယ်ရှားပေးနိုင်တာကြောင့် အဆီမရှိတဲ့ဝမ်းဗိုက်လေးကို ပိုင်ဆိုင်ရမှာပဲဖြစ်ပါတယ်။
ပန်းသီးနဲ့သစ်ဂျပိုးခေါက်
Source: Fitelo
ပန်းသီးလေးတွေကို အစိတ်ပါးပါးလေးတွေလှီးပြီး ရေဘူးထဲမှာထည့်ထားပေးလိုက်ပါ။ ရေဖြည့်ပြီးသစ်ဂျပိုးခေါက်တစ်ချောင်းကို ထည့်ပေးပြီးသောက်မယ်ဆိုရင်လည်း သင့်ကိုဝိတ်ကျဖို့အတွက် အထောက်အပံ့ကောင်းတွေဖြစ်စေမှာပေါ့။ ခန္ဓာကိုယ်ထဲမှာရှိတဲ့ အဆိပ်အတောက်တွေကို ချေဖျက်ပေးနိုင်တာကြောင့် သင့်အသားအရေကိုလည်း ကြည်လင်ပြီးလှပလာစေမှာပဲဖြစ်ပါတယ်။
သရက်သီးနဲ့ဂျင်း
Source: Distillata
သရက်သီးနဲ့ဂျင်းကိုရောပြီး ဖျော်ရည်လိုမျိုးလုပ်ပြီး သောက်မယ်ဆိုရင်တော့ အစာချေဖျက်မှုစနစ်ကို ကောင်းမွန်စေတာကြောင့် ဝိတ်လျော့တဲ့အခါမှာသောက်သင့်တဲ့ ဖျော်ရည်တစ်ခုပါပဲ။ မနက်ပိုင်းမှာသောက်ပေးမယ်ဆိုရင်တော့ သင့်ကိုယ်အလေးချိန်ကိုလည်း လျော့နည်းစေပါတယ်။
