ခြေဖဝါး၊ လက်ဖဝါးမှာ ချွေးအရမ်းထွက်တာကို သက်သာအောင်လုပ်ပေးနိုင်တဲ့သဘာဝနည်းလမ်းများ

ခြေဖဝါး၊ လက်ဖဝါးမှာ ချွေးအရမ်းထွက်တတ်တဲ့သူတွေရှိပါတယ်။ ခြေဖဝါးချွေးအရမ်းထွက်ရင် ဖိနပ်စီးတဲ့အခါကျ ချွေးနဲ့ချောနေတာမျိုးတွေ၊ ခြေဆီနံ့နံတာမျိုးတွေ ရှိပါတယ်။ ဒါကြောင့် ခြေဖဝါး၊ လက်ဖဝါးမှာ ချွေးအရမ်းထွက်တာကို သက်သာအောင်လုပ်ပေးနိုင်တဲ့ သဘာဝနည်းလမ်းကောင်းတွေကို မျှဝေပေးလိုက်ပါတယ်။

ခရမ်းချဉ်သီး

ခရမ်းချဉ်သီးက cooling effect ရစေပြီး ခြေဖဝါး၊ လက်ဖဝါးမှာ ချွေးအရမ်းထွက်တာကို control လုပ်ပေးနိုင်ပါတယ်။ လုပ်ရမယ့်နည်းလမ်းကတော့ ခရမ်းချဉ်သီးကို အကွင်းလေးတွေဖြစ်အောင်လှီးပြီး လက်ဖဝါးနဲ့ ခြေဖဝါးကို ပွတ်ပေးရုံပါပဲ။

Tea tree oil

Tea tree oil ကလည်း ခြေဖဝါး၊ လက်ဖဝါးမှာ ချွေးအရမ်းထွက်တာကို control လုပ်ပေးပြီး ချွေးထွက်သက်သာစေပါတယ်။ လုပ်ရမယ့်နည်းလမ်းကတော့ ရေနွေးကို ပန်းကန်လုံးလေးထဲထည့်ပြီး tea tree oil – ၅ စက်ထည့်မွှေပါ။ ပြီးရင် ဂွမ်းလုံးလေးနဲ့တို့ယူပြီး လက်ဖဝါးနဲ့ခြေဖဝါးမှာ ပွတ်ပေးရုံပါပဲ။

Apple cider vinegar

Apple cider vinegar ကလည်း ချွေးအရမ်းထွက်တာကို သက်သာအောင်လုပ်ပေးနိုင်ပါတယ်။ လုပ်ရမယ့်နည်းလမ်းကတော့ ပန်းကန်လုံးအသေးထဲကို apple cider vinegar – လက်ဖက်ရည်ဇွန်း ၁ ဇွန်းနဲ့ rose water – လက်ဖက်ရည်ဇွန်း ၁ ဇွန်းထည့်မွှေပါ။ ပြီးရင်တော့ လက်ဖဝါးနဲ့ ခြေဖဝါးမှာ ပွတ်လိမ်းပေးရုံပါပဲ။

ပြောင်းဂျုံ

ပြောင်းဂျုံနဲ့ မုန့်ဖုတ်ဆိုဒါကို ဆတူရောမွှေပြီး လက်ဖဝါးနဲ့ ခြေဖဝါးမှာ ပွတ်လိမ်းပေးခြင်းကလည်း ခြေဖဝါးနဲ့ လက်ဖဝါးမှာ ချွေးအရမ်းထွက်တာကို သက်သာပျောက်ကင်းစေပါတယ်။

သံပယိုရည်

ရေခွက်ထဲကို ရေနည်းနည်းထည့်ပြီး သံပယိုသီးတစ်လုံး ညှစ်ထည့်ပါ။ ပြီးရင်တော့ မွှေပြီး အဲ့ဒီခွက်ထဲကို ဂွမ်းလုံးထည့်နှစ်လိုက်ပြီး လက်ဖဝါးနဲ့ခြေဖဝါးကို ပွတ်ပေးပါ။ မိနစ် ၂၀ ထားပြီးမှ ရေပြန်ဆေးပါ။ ဒီလိုလုပ်ပေးခြင်းက ခြေဖဝါး၊ လက်ဖဝါးမှာ ချွေးထွက်တာကို သက်သာစေတဲ့အပြင် အနံ့အသက်လည်း ကောင်းစေပါတယ်။