ဘာကြောင့် မနက်စာစားပြီးမှ ကော်ဖီသောက်သင့်သလဲ

ကော်ဖီတစ်ခွက်ဟာ နိုးကြားတက်ကြွတဲ့ မနက်ခင်းတစ်ခုအတွက် အဖော်ဖြစ်နိုင်ပါတယ်။ ကော်ဖီရဲ့ သင်းပျံ့ပြီး ခပ်ပြင်းပြင်း ရနံ့ဟာ မနက်ခင်းရဲ့လန်းဆန်းတဲ့ တံခါးတွေကို ဖွင့်ပေးနိုင်စွမ်း ရှိနိုင်ပါတယ်။ ဒါပေမဲ့လည်း ဘာမှမစားရသေးတဲ့အချိန် ဗိုက်ဟောင်းလောင်း ဖြစ်နေတုန်းမှာ ကော်ဖီမသောက်သင့်ပါဘူး။

Photo: VeryWell Mind

လေ့လာမှုတွေအရတော့ မနက်စာမစားခင်မှာ ကော်ဖီသောက်တာထက် မနက်စာ စားပြီးမှ ကော်ဖီ‌သောက်ဖို့ အကြံပြုကြပါတယ်။ မနက်စာမစားခင် ကော်ဖီသောက်ခြင်းဟာ သွေးတွင်းဂလူးဂို့စ်ထိန်းချုပ်မှုကို အန္တရာယ်ဖြစ်နိုင်တယ်လို့ ဆိုပါတယ်။

ယူကေမှာ ရှိတဲ့ University of Bath မှ အာဟာရ ၊ လေ့ကျင့်ခန်းနဲ့ ဇီဝကမ္မဆိုင်ရာ သုတေသီတွေဟာ အိပ်ရေးပျက်ပြီးနောက် ကော်ဖီသောက်ခြင်းရဲ့ သက်ရောက်မှုကို လေ့လာခဲ့တာပါ။

လေ့လာမှုအရ အိပ်ရေးပျက်ခြင်း (အိပ်စက်မှုအရည်အသွေးနိမ့်ခြင်း) ဟာ သွေးထဲ ဂလူးဂို့စ် Levels ပေါ် သက်ရောက်မှု မရှိဘူးလို့ ဆိုပါတယ်။ ကော်ဖီသောက်မှသာ သွေးတွင်းဂလူးဂို့စ် Level တက်နိုင်တယ်လို့ ဆိုပါတယ်။