Depression ဝင်တဲ့သူတွေလုပ်သင့်တဲ့ယောဂ ၆ ခု

Depression ဝင်လာရင် တစ်ယောက်တည်း မှိုင်တွေပြီး စိတ်ညစ်နေမယ့်အစား၊ အတွေးတွေများနေမယ့်အစား ယောဂကျင့်ကြည့်ပါ။ ယောဂကျင့်တာက ကိုယ်ရောစိတ်ပါ ကျန်းမာစေပါတယ်။ ဒီတစ်ခါမှာကတော့ Depression ဝင်တဲ့သူတွေအတွက် ထိရောက်မှုရှိလို့ လုပ်သင့်တဲ့ ယောဂ ၆ ခုကို မျှဝေပေးလိုက်ပါတယ်။

Balasana (Child Pose)

Child Pose ယောဂက စိတ်ဖိစီးမှုတွေနဲ့ စိုးရိမ်ကြောင့်ကြမှုတွေကို လျှော့ချပေးနိုင်ပြီး နောက်ကြောနာကျင်တာတွေလည်း သက်သာစေတယ်၊ ခန္ဓာကိုယ်ကို Reax ဖြစ်စေပါတယ်။ ဒါကြောင့်လည်း Depression ဝင်တာ သက်သာတာပါ။ ပုံမှလုပ်ပြထားတဲ့အတိုင်း ၂ မိနစ်မှ ၅ မိနစ်အထိ ကိုယ်အဆင်ပြေသလောက် နေပေးပါ။

Setu Bandhasana (Bridge Pose)

Bridge Pose ယောဂကတော့ နောက်ကြောကြွက်သားတွေ နာကျင်တာကို သက်သာစေပြီး Stress နဲ့ Depression တွေကိုလည်း သက်သာစေပါတယ်။ ပုံမှာလုပ်ပြထားတဲ့အတိုင်း မိနစ်အနည်းငယ် နေပေးရုံပါပဲ။

Urdhva Mukha Svanasana (Upward-Facing Dog Pose)

Upward-Facing Dog Pose ယောဂက ခါးနာတာသက်သာစေပြီး စိတ်ဖိစီးမှုတွေ လျော့ကျတာ စိတ်ကို Relax ဖြစ်စေပါတယ်။ ပုံမှာလုပ်ပြထားတဲ့အတိုင်း မိနစ်အနည်းငယ် နေပေးရမှာပါ။

Adho Mukha Svanasana (Downward-Facing Dog Pose)

Downward-Facing Dog Pose က ခန္ဓာကိုယ် သွေးစီးဆင်းမှု ကောင်းမွန်စေပြီး အညောင်းအညာပြေစေတယ်၊ စိတ်ဖိစီးတွေ ပြေပျောက်စေပါတယ်။ သူ့ကိုလည်း ပုံမှာလုပ်ပြထားသလိုပဲ လုပ်ပေးပြီး မိနစ်အနည်းငယ် နေပေးရုံပါပဲ။

Uttanasana (Standing Forward Fold Pose)

Standing Forward Fold Pose နောက်ကြောနာတာနဲ့ ပခုံးနဲ့ လည်ပင်း အကြောတွေ ပြေစေပြီး စိုးရိမ်ကြောင့်ကြမှုတွေ လျော့ကျစေပါတယ်။ ပုံမှာလုပ်ပြထားသလို မိနစ်ပိုင်းလောက် နေပေးရင် ရပါပြီ။

Savasana (Corpse Pose)

Corpse Pose ယောဂကတော့ အလွယ်ကူဆုံးပါပဲ။ စိတ်ရောကိုယ်ပါ Relax ဖြစ်စေပြီး စိတ်ဖိစီးမှုတွေလည်း လျော့ကျသွားစေပါတယ်။ ပုံမှာလုပ်ပြထားတဲ့အတိုင်း ၃ မိနစ်မှ ၅ မိနစ်အထိ ကိုယ်အဆင်ပြေသလောက် နေပေးပါ။