လက်သည်းနီဆိုးတဲ့အခါမှာ သတိထားဆင်ခြင်သင့်တဲ့အချက် ၅ ချက်

လက်သည်းနီဆိုးတဲ့အခါမှာ ကိုယ့်လက်သည်း ထိခိုက်ပျက်စီးတာမျိုး မဖြစ်ရလေအောင်၊ လက်သည်းအလှမပျက်အောင် သတိထားဆင်ခြင်သင့်တဲ့အချက် ၅ ချက်ကို ပြောပြပေးလိုက်ပါတယ်။

အထပ်ထပ်ဆိုးခြင်း

လက်သည်းနီဆိုးတဲ့အခါ မခြောက်သေးပဲ ထပ်ထပ်ဆိုးနေရင် ထူပိန်ပြီး မလှတော့သလို တော်ရုံနဲ့လည်း မခြောက်တော့ပါဘူး။ ခြောက်ပြီးမှ အထပ်ထပ်ဆိုးနေရင်လည်း ထစ်တာ၊ အသီးထတာတွေလည်း ဖြစ်စေပါတယ်။ ဒါကြောင့် တစ်ခါထဲနဲ့ သေချာဆိုးပါ။

ရေသုံးခြင်း

လက်သည်းနီဆိုးပြီးမကြာသေးပဲ ရေသုံးတာ ဥပမာ – အဝတ်လျှော်တာ၊ ပန်းကန်းဆေးတာတွေ မလုပ်ပါနဲ့အုံး။ ပျက်သွားပါလိမ့်မယ်။

Base Coat မဆိုးခြင်း

လက်သည်းနီဆိုးမယ်ဆိုရင် Base Coat ခံပြီး ဆိုးဖို့လိုပါတယ်။ Base Coat မခံရင် လက်သည်းပိုပျက်စီးပါတယ်။ လက်သည်းလည်း ဝါညစ်စေပါတယ်။

လက်သည်းဘေးအသားတွေညှပ်ထုတ်ခြင်း

လက်စွယ်ငုတ်တာတွေ၊ ပန်းကုံးလေးတွေကို ညှပ်ထုတ်တာမျိုးမဟုတ်ပဲ လက်သည်းဘေးအသားတွေကို ညှပ်ထုတ်ပစ်တာ၊ လက်သည်းထိုးတဲ့ဒုတ်နဲ့ထိုးတာတွေ လုပ်တတ်ပါတယ်။ အဲ့လိုလုပ်ရင် လက်သည်းပုံ Shape က ပိုလှသွားပါတယ်။ လက်သည်းခွံလည်း ပိုကြီးသလို ဖြစ်သွားပါတယ်။ ဒါပေမယ့် အရမ်းစပ်ပြီး အခန့်မသင့်ရင် ပိုးဝင်တာတွေအထိ ဖြစ်တတ်တာကြောင့် မလုပ်ပါနဲ့။

လက်သည်းနီပုလင်းကို Shake လုပ်ခြင်း

တချို့က လက်သည်းနီဆိုးခါနီးရင် လက်သည်းနီပုလင်းကို Shake လုပ်တတ်ကြပါတယ်။ Shake လုပ်ပြီးဆိုးရင် လက်သည်းနီက Smooth မဖြစ်တော့ပဲ အသီးထစေပါတယ်။ မလှပါဘူး။ ဒါကြောင့် ဒီအချက်ကိုလည်း သတိထားဆင်ခြင်ဖို့ လိုပါတယ်။