ဘာအလုပ်မှလုပ်စရာမရှိပဲ အားနေတဲ့အချိန်တွေမှာ ကိုယ့်အတွက်အကျိုးရှိအောင် ဒီအရာ ၅ ခုကို လုပ်ကြည့်သင့်ပါတယ်။
လေ့ကျင့်ခန်းလုပ်ပါ
တကယ်တော့ လေ့ကျင့်ခန်းလုပ်တယ်ဆိုတာက အားတဲ့အချိန်မှလုပ်ရမှာ မဟုတ်ပါဘူး။ တစ်နေ့ကို အချိန်နည်းနည်းဖဲ့ပေးပြီး ပုံမှန်လုပ်သင့်တာပါ။ ဒါမှ စိတ်ရောကိုယ်ပါ ကျန်းမာပြီး လှပနေမှာပါ။ အများကြီးမလုပ်နိုင်ရင်တောင်မှ လွယ်ကူတဲ့ လေ့ကျင့်ခန်းတွေကို တစ်နေ့ကို မိနစ် ၂၀ ၊ ၃၀ လောက်ပေးပြီး လုပ်ကြည့်ပါ။
စာဖတ်ပါ
အားတဲ့အချိန်တွေမှာ ကိုယ့်အတွက်အကျိုးရှိအောင် စာဖတ်ပါ။ ဘဝအတွက် တိုးတက်စေမယ့်စာအုပ်တွေ၊ ဗဟုသုတရမယ့်စာအုပ်တွေ၊ စိတ်ခွန်အားဖြစ်စေမယ့် စာအုပ်တွေ၊ ကိုယ်လုပ်နေတဲ့အလုပ်၊ ကျောင်းစာ စတာတွေနဲ့ပတ်သက်ပြီး အကျိုးရှိစေမယ့်စာအုပ်တွေကို အချိန်အားရင်အားသလို ဖတ်ပေးပါ။ အများကြီးအကျိုးရှိစေပါတယ်။
အတန်းတစ်ခုခုတက်ပါ
အားတဲ့အချိန်နည်းနည်းများရင် online class ပဲဖြစ်ဖြစ်၊ youtube ကနေပဲဖြစ်ဖြစ် အတန်းတစ်ခုခုတက်ပါ။ အတန်းတက်တာမျိုးမဟုတ်ရင်တောင် ဘာသာစကားတစ်ခုခု၊ ကိုယ့်အတွက် အကျိုးရှိစေမယ့်အရာ တစ်ခုခုကို လေ့လာသင်ယူနေပါ။ ဘဝအတွက် အများကြီးအကျိုးရှိစေပါတယ်။
ဝါသနာပါတဲ့အရာကိုလုပ်ပါ
စိတ်ပျော်ရွှင်ပြီး စိတ်ကျေနပ်မှုရစေဖို့ ကိုယ်ဝါသနာပါတာလေးတွေကိုလည်း အားတဲ့အချိန်မှာ စိတ်အပန်းဖြေတဲ့သဘောမျိုးနဲ့ လုပ်ကြည့်ပါ။ ကိုယ်ဝါသနာပါတာမရှိသေးရင်လည်း ရှာဖွေကြည့်ပါ။ တစ်ခုခုကိုထွင်ပြီး လုပ်ကြည့်ပါ။ ပျော်စရာကောင်းသလို စိတ်လည်းတည်ငြိမ်စေပါတယ်။
ချစ်ခင်ရတဲ့သူတွေနဲ့အချိန်ကုန်ပေးပါ
အားတဲ့အချိန်လေးတွေမှာ ကိုယ်ချစ်ခင်ရတဲ့သူတွေကိုလည်း အချိန်ပေးပါ။ မိသားစု၊ သူငယ်ချင်း၊ ချစ်သူနဲ့ အချိန်ကုန်ဆုံးပြီး ပျော်စရာအချိန်တွေ ဖန်တီးကြည့်ပါ။
