ခန္ဓာကိုယ်ကျန်းမာစေဖို့အတွက် လေ့ကျင့်ခန်းလုပ်ပေးတဲ့အကျင့်လေး ရှိထားဖို့လိုပါတယ်။ အများကြီးလည်းလုပ်စရာမလို၊ အပင်ပန်းလည်းခံစရာမလိုပဲ ဒီလို ခန္ဓာကိုယ်ကျန်းမာစေဖို့ နေ့စဉ် အချိန် ၅ မိနစ်ပဲပေးပြီးလုပ်ရမယ့် လေ့ကျင့်ခန်း ၅ ခုကို မျှဝေပေးလိုက်ပါတယ်။ ဒီလေ့ကျင့်ခန်းတွေက ခန္ဓာကိုယ် သွေးလည်ပတ်မှုကောင်းမွန်စေတယ်။ အညောင်းအညာပြေစေပါတယ်။
လက်ချောင်းထိပ်လေးတွေကို ပုံမှာပြထားတဲ့အတိုင်း ၃ စက္ကန့်ပြည့်အောင် လက်နဲ့ကိုင်ထားပေးပါ။ ကျန်တဲ့လက်ချောင်းတွေကိုလည်း ဒီအတိုင်းပဲ ၁၀ ချောင်းလုံးပြည့်အောင် လုပ်ပါ။ ဒါဆိုရင် အချိန် စက္ကန့် ၃၀ ကုန်ပါမယ်။
ပုံမှာပြထားတဲ့အတိုင်း လက်ဖဝါးတစ်ဖက်ကို ဖြန့်ပြီး တစ်ဖက်က လက်သီးဆုပ်ထားပါ။ အဲ့အတိုင်း စက္ကန့် ၃၀ နေပေးပါ။ အဲ့အတိုင်း ဘယ်၊ ညာ တစ်လှည့်စီလုပ်ပေးပါ။ ဒါဆိုရင် အချိန် စက္ကန့် ၆၀ ကုန်ပါမယ်။
ပုံမှာပြထားတဲ့အနေအထားအတိုင်း ကြမ်းမှာမှောက်ပြီး လက်နဲ့ ခြေထောက်နဲ့ကို ဆန့်ထုတ်ထားပါ။ ခြေထောက်တစ်ဖက်ကတော့ ကွေးထားပါ။ အဲ့အနေအထားအတိုင်း မပြောင်းပဲ စက္ကန့် ၃၀ ပြည့်အောင်နေရပါမယ်။ ခြေထောက်ကို ဘယ်၊ ညာ တစ်လှည့်စီ ပြောင်းလုပ်ပေးပါ။ ဒါဆိုရင် အချိန် စက္ကန့် ၆၀ ကုန်ပါမယ်။
ပုံမှာပြထားတဲ့အနေအထားအတိုင်း မှောက်ပြီး လက်ကိုဆန့်ထားပါ။ ခြေထောက်ကို မြှောက်ထားပါ။ အဲ့အနေအထားအတိုင်း စက္ကန့် ၃၀ နေရမှာပါ။
နောက်ဆုံးလေ့ကျင့်ခန်းမှာလည်း ပုံမှာပြထားတဲ့အနေအထားအတိုင်း စက္ကန့် ၃၀ ပြည့်အောင် နေရပါမယ်။ ခေါင်း၊ ခြေထောက်၊ လက် အနေအထား အားလုံး မှန်ရပါမယ်။
ဒါဆိုရင် လေ့ကျင့်ခန်း ၅ ခုမှာ စုစုပေါင်းကြာချိန်က ၃ မိနစ်ခွဲပါ။ တစ်ခုနဲ့တစ်ခုကြားမှာ ခဏနားတာ ပြောင်းတာနဲ့ဆိုရင် ၅ မိနစ်ပဲ ကြာပါလိမ့်မယ်။ တစ်ခုနဲ့တစ်ခုကြားမှာ အကြာကြီးနားပြီး မလုပ်ပါနဲ့။ အလွန်ဆုံးကြာ ၁၀ မိနစ်၊ ၁၅ မိနစ်ပေါ့။ ဒီထက်တော့ မကြာပါစေနဲ့။
