မိန်းကလေးတွေအနေနဲ့ ဓမ္မတာလာနေချိန်မှာ နာကျင်မှုတွေသက်သာအောင် လုပ်ပေးသင့်တဲ့ Exercise တွေလည်းရှိသလို မလုပ်သင့်တဲ့ Exercise တွေလည်း ရှိပါတယ်။ မလုပ်သင့်တာတွေကို ဆင်ခြင်နိုင်ဖို့အတွက် ဒီတစ်ခါမှာတော့ မိန်းကလေးများ ဓမ္မတာလာနေချိန်မှာ ရှောင်ကြဉ်သင့်တဲ့ Exercise 5 မျိုးကို ပြောပြပေးလိုက်ပါတယ်။
Intense Cardio
ပြင်းထန်တဲ့ Intense Cardio တွေလုပ်တာက ပြင်းထန်စွာ ရာသီသွေးစီးဆင်းစေပြီး စိတ်ရောကိုယ်ပါ ဖိစီးမှု၊ ပင်ပန်းမှုတွေ ဖြစ်စေပါတယ်။ ဒါကြောင့် မလုပ်သင့်ပါဘူး။
Heavy Weight Training
ဓမ္မတာလာခါနီးအောင့်တဲ့အချိန်ကစပြီး စလာတဲ့ရက် 3 ရက်အတွင်းမှာ ပြင်းထန်တဲ့ Exercise တွေ၊ Heavy Weight Training ဖြစ်တဲ့ အလေးတုံးတွေမပြီး Exercise လုပ်တာမျိုးတွေကို ရှောင်ကြဉ်ရပါမယ်။ ပိုပြီးနာကျင်မှုဖြစ်စေသလို ပုံမှန်ထက်လည်း ပိုပင်ပန်းစေပါတယ်။ ဒါကြောင့် မလုပ်သင့်ပါဘူး။
Inverted Yoga Pose
ဓမ္မတာလာနေချိန်မှာ Yoga ကျင့်ပေးတာက နာကျင်မှုတွေသက်သာစေတယ်ဆိုပေမယ့် မလုပ်သင့်တဲ့ Yoga တွေလည်း ရှိပါတယ်။ အထူးသဖြင့် ပြောင်းပြန်ပုံစံနေရတဲ့ Inverted Yoga Pose တွေကိုတော့ ရှောင်ရပါမယ်။ ဦးခေါင်းနဲ့ Stand လုပ်တဲ့ Yoga မျိုးဆိုရင် သားအိမ်အတွင်းသွေးကြောပိတ်တာ၊ ရာသီသွေးအလွန်အကျွံဆင်းတာတွေ ဖြစ်စေပါတယ်။
Squats
ဓမ္မတာလာနေချိန်မှာဆိုရင် ကိုယ်လက်ကိုက်ခဲတာ၊ ခြေထောက်နဲ့ တင်ပဆုံတွေကိုက်တာ၊ ခါးနာတာတွေ ဖြစ်တတ်ပါတယ်။ ဒီလိုအချိန်မှာ Squats Exercise တွေကိုလည်း မလုပ်သင့်ပါဘူး။ အခန့်မသင့်ရင် ကြွက်တာတာတွေ၊ ပိုပြီးနာကျင်တာမျိုးတွေ ဖြစ်နိုင်ပါတယ်။
Jumping & High-intensity Exercise
အပေါ်မှာပြောခဲ့သလိုပဲ ဓမ္မတာလာနေချိန်မှာ ပြင်းထန်တဲ့ ကိုယ်လက်လှုပ်ရှားမှုတွေကို ရှောင်သင့်တဲ့အတွက် ခုန်ပြီးလုပ်ရတဲ့ Exercise တွေ ပြင်းထန်တဲ့ Exercise တွေကို မလုပ်ပါနဲ့။ ရာသီသွေးအရမ်းဆင်းတာတွေ၊ ပင်ပန်းတာတွေ၊ ပုံမှန်ထက်ပိုပြီးမောပန်းတာတွေ၊ အားပျက်တာတွေ ဖြစ်တတ်ပါတယ်။ ဒါကြောင့် သတိထားဆင်ခြင်ဖို့လိုပါတယ်။
