ဉာဏ်ရည်ဖွံ့ဖြိုးတိုးတက်ပြီး ဦးနှောက်မှတ်ဉာဏ်ပိုကောင်းလာစေမယ့် ယောဂကျင့်စဉ် (၅) မျိုး

လူကြီး၊ လူငယ်၊ ကျား၊ မ မရွေးလုပ်လို့ရအောင် ဉာဏ်ရည်ဖွ့ံဖြိုးတိုးတက်စေပြီး ဦးနှောက်မှတ်ဉာဏ် ပိုကောင်းလာစေမယ့် ယောဂကျင့်စဉ် (၅) မျိုးကို မျှဝေပေးလိုက်ပါတယ်။ နေ့တိုင်း အချိန်ပေးပြီး လုပ်နိုင်ရင် ပိုကောင်းပါတယ်။

Padmasana (Lotus Pose)

Padmasana (Lotus Pose) လို့ခေါ်တဲ့ ဒီယောဂကျင့်စဉ်ကတော့ အလွယ်ဆုံံးပါပဲနော်။ ပုံမှာပြထားတဲ့ အနေအထားအတိုင်းနေပြီး စိတ်ကိုလျော့ချထားပါ။ အနည်းဆုံး ၁ မိနစ်ကနေ ၅ မိနစ်အထိ နေပေးရမှာပါ။

Vajrasana (Diamond Pose)

Vajrasana (Diamond Pose) လို့ခေါ်တဲ့ ဒီယောဂကျင့်စဉ်ကလည်း အရမ်းလွယ်ပါတယ်နော်။ ပုံမှာပြထားတဲ့ အနေအထားအတိုင်း ထိုင်ပြီး မျက်လုံးမှိတ်ကာ စိတ်ကို လျော့ချထားပါ။ အသက်ကို ရှူသွင်း၊ ရှူထုတ်လုပ်ပြီး အနည်းဆုံး ၅ မိနစ်ရအောင်် နေပါ။ သွေးလည်ပတ်မှုကိုတောင် ကောင်းမွန်စေပါတယ်။

Ardha Matsyendrasana (Half Spinal Twist Pose)

Ardha Matsyendrasana (Half Spinal Twist Pose) လို့ခေါ်တဲ့ ဒီယောဂကျင့်စဉ်မှာတော့ ပုံမှာပြထားတဲ့ ခြေထောက်အနေအထား၊ ခန္ဓာကိုယ် အနေအထားအတိုင်း ရအောင်လုပ်ရပါမယ်။ အဲ့အနေအထားအတိုင်း စက္ကန့် ၃၀ နေရပါမယ်။ ပြီးရင် တစ်ခေါက်ထပ်လုပ်ကြည့်ပါ။ အနည်းဆုံး ၅ ကြိမ်ရအောင်လုပ်ပါ။

Paschtimottanasana (Seated Forward Bend)

Paschtimottanasana (Seated Forward Bend) ဆိုတဲ့ ယောဂကျင့်စဉ်ကတော့ အကြောပျော့တဲ့သူတွေအတွက် လွယ်ပါလိမ့်မယ်။ အကြောမပျော့တဲ့သူအတွက်ဆိုရင်တော့ စလုပ်ရင် ရင်ဘတ်က ဒူးနဲ့ထိမှာ မဟုတ်ပါဘူး။ ဒီလိုပဲ လုပ်ရင်းနဲ့ ရသွားပါလိမ့်မယ်။ လက်ဖဝါးနှစ်ဖက်ကလည်း ခြေဖဝါးနှစ်ဖက်ကို ထိအောင်ကိုင်ထားရမှာပါ။ ပုံမှာပြထားတဲ့အနေအထားအတိုင်းရအောင် ကြိုးစားလုပ်ကြည့်ပါ။ အဲ့အတိုင်း စက္ကန့် ၃၀ နေရပါမယ်။ အနည်းဆုံး ၅ ကြိမ်ရအောင်လုပ်ပေးပါ။

Mayurasana (Peacock Pose)

Mayurasana (Peacock Pose) ဆိုတဲ့ ဒီယောဂကျင့်စဉ်ကတော့ အခုမှ ယောဂစလုပ်မယ့်သူတွေအတွက် ခက်ခဲပါလိမ့်မယ်။ ကိုယ်ကြိုးစားလုပ်ကြည့်ဖို့ မဖြစ်နိုင်ဘူးထင်ရင် အပေါ်က ၄ မျိုးကိုပဲ လုပ်ပေးပါ။ လုပ်မယ့်သူတွေကတော့ ပုံမှာပြထားတဲ့ အနေအထားအတိုင်းနေပြီး ခြေထောက်ကိုလည်း မြှောက်ထားရမှာပါ။ ဒီအတိုင်း ၁ မိနစ်နေပေးရပါမယ်။ ၁ မိနစ်မနေနိုင်လည်း ကိုယ်နေနိုင်သလောက်ပဲ လုပ်ပြီး နောက်ပိုင်းမှ တစ်ဖြေးဖြေးတိုးသွားလို့ရပါတယ်။

Source: www.stylecraze.com