ယောဂကျင့်ပေးတာက ကျန်းမာရေးနဲ့ ခန္ဓာကိုယ်အလှအပအတွက်သာ မဟုတ်ပဲ ဆံသားအတွက်လည်း အကျိုးပြုပါတယ်။ ဆံပင်သန်စွမ်းပြီး အုံထူလာစေဖို့အတွက်ဆိုရင် ဒီယောဂကျင့်စဉ် ၅ ခုကို လုပ်ပေးလို့ရပါတယ်။ ဒီယောဂတွေကို လုပ်တဲ့အခါမှာ အစာအိမ်ရှင်းနေတဲ့အချိန် မနက်စောစောလုပ်ပေးတာက ပိုကောင်းပါတယ်။ ဒါမှမဟုတ် အစာနဲ့ ၄ နာရီ၊ ၆ နာရီခြားပြီး လုပ်ပေးမယ်ဆိုလည်း အဆင်ပြေပါတယ်။

Downward-Facing Dog Pose

ပုံမှာလုပ်ပြထားတဲ့အတိုင်း တူအောင်လုပ်ပြီး ၁ မိနစ်မှ ၃ မိနစ်အထိ နေပေးပါ။

သွေးစီးဆင်းမှုကောင်းမွန်စေပြီး ဆံပင်သန်စွမ်းလာစေတယ်၊ အစာခြေစနစ်လည်း ပိုကောင်းလာပြီး Stress တွေ လျော့ကျစေပါတယ်။

Standing Forward Bend Pose

ပုံမှာလုပ်ပြထားတဲ့အတိုင်း စက္ကန့် ၃၀ နေပေးရမှာ ဖြစ်ပါတယ်။

ဆံပင်သန်စွမ်းလာစေဖို့ အထောက်အကူပြုတဲ့အပြင် ခေါင်းကိုက်တာ၊ အိပ်မပျော်တာ၊ ဝမ်းချုပ်တာတွေလည်း သက်သာစေပါတယ်။

Camel Pose

ပုံမှာလုပ်ပြထားသလို သေချာလေးတူအောင် လုပ်ပေးပါ။ အဲ့အနေအထားနဲ့ စက္ကန့် ၃၀ မှ စက္ကန့် ၆၀ အထိ နေပေးပါ။

Stress တွေလျော့ကျစေပြီး အညောင်းအညာပြေစေတယ်၊ ဆံပင်လည်း သန်စွမ်းစေပါတယ်။

Thunderbolt Pose

ပုံမှာလုပ်ပြထားတဲ့အတိုင်းနေပေးပြီး အသက်ကို ရှူသွင်းရှူထုတ် ဖြေးဖြေးချင်းစီ လုပ်ပေးပါ။ အဲ့အတိုင်း ၅ မိနစ်မှ ၁၀ မိနစ်အထိ နေပေးပါ။ ခါးကိုလုံးဝမကုန်ပဲ တန်းမတ်နေအောင် ထိုင်ရပါမယ်။

ဆံပင်သန်စွမ်းကျန်းမာစေဖို့ အထောက်အကူပြုတဲ့အပြင် Stress တွေလျော့ကျစေပြီး သွေးလည်ပတ်မှုလည်း ကောင်းမွန်စေပါတယ်။

Wind Relieving Pose

ဒီယောဂကျင့်စဉ်မှာ ပုံမှာလုပ်ပြထားတဲ့အတိုင်း နဖူးနဲ့ ဒူးခေါင်းကို ထိခါနီးအထိ လုပ်ပေးပါ။ စက္ကန့် ၃၀ မှ စက္ကန့် ၆၀ အထိ အဲ့အနေအထားနဲ့ နေပေးပါ။

ဆံပင်သန်စွမ်းကျန်းမာရုံတင်မဟုတ်ပဲ သွေးလည်ပတ်မှုကောင်းစေပြီး ဗိုက်အဆီလည်း ကျစေပါတယ်။