စိတ်လွတ်လပ်ဖို့ ၊ ပေါ့ပါးဖို့ ခရီးသွားပါတယ်ဆိုမှ အထုတ်အများကြီးသယ်ရတာက မဟုတ်သေးပါဘူး။ ပိတ်ရက် သို့မဟုတ် အလုပ်ကိစ္စအတွက် အထုတ်ပြင်တဲ့အခါ မလိုအပ်တဲ့ပစ္စည်းတွေ သယ်လာမိရင် ဝန်လေးသလို စိတ်လည်းရှုပ်ရပါတယ်။ ဒါကြောင့် ခရီးသွားတော့မယ်ဆို ရိုးရိုးရှင်းရှင်းသွားနိုင်ဖို့ ဒီပစ္စည်းတွေကို အိမ်မှာချန်ခဲ့လိုက်ပါ။
အဝတ်အစားတွေအများကြီးသယ်တာ
သွားမှာက ရက်တိုလေးကို အများကြီးသယ်လာတာက နေရာလည်းယူသလို အသုံးမဝင်ပါဘူး။ ဥပမာ၊ အလုပ်ကိစ္စနဲ့ ခရီးသွားရင် အပိုဝတ်စုံအင်္ကျီတစ်ထည် ယူလာတာက အကြံဉာဏ်ကောင်းတစ်ခုပါ။ ဒါပေမယ့် အများကြီးထည့်လာဖို့တော့ မလိုအပ်ပါဘူး။
မိတ်ကပ်ပစ္စည်းတွေအကုန်သယ်တာ
မိတ်ကပ်အိတ်ထဲက ပစ္စည်းတိုင်းက သုံးဖြစ်တာမဟုတ်ပါဘူး။ နောက်တစ်ခုက သယ်တဲ့အခါ Full Size တွေသယ်မယ့်အစား Travel-Size လေးတွေ ပြောင်းသယ်ကြည့်ပါ။ နေရာယူလည်းသက်သာသလို သယ်ရတာလည်း ဝန်ပေါ့စေပါတယ်။
အိတ်
ခရီးသွားတဲ့အခါ အိတ်တွေအများကြီးသယ်မယ့်အစား ခရီးစဉ်တစ်ခုလုံးအတွက် အသုံးဝင်တဲ့ စွယ်စုံသုံးလို့ရတဲ့ အိတ်ကို ရွေးချယ်တာက ပိုကောင်းပါတယ်။
ဖိနပ်
ဖိနပ်လည်း အိတ်လိုဘဲအတူတူပါပဲ။ ယူတဲ့အခါ အရောင်ကိုလည်း သတိထားပါ။ အနက်ရောင် ဒါမှမဟုတ် အသားရောင် ဖိနပ်တွေက ဘယ်အရာနဲ့မဆို လိုက်ဖက်ပါတယ်။
