ဟောလိဝုဒ်ရဲ့ ထိပ်တန်းမင်းသမီးချောတွေထဲက တစ်ဦးအပါအဝင်ဖြစ်တဲ့ မင်းသမီး Zendaya ကို ရုပ်ရှင်ချစ်ပရိတ်သတ်တွေဆိုရင် ကျိန်းသေပေါက် သိကြမှာပါ။
နာမည်အပြည့်အစုံက Zendaya Maree Stoermer Coleman ဖြစ်ပြီးတော့ အမေရိကန်သရုပ်ဆောင်နဲ့ အဆိုတော်ဖြစ်ပါတယ်။ ၁၉၉၆ ခုနှစ် စက်တင်ဘာလ ၁ ရက်နေ့ဖွားဖြစ်ပြီး ကယ်လီဖိုးနီးယားပြည်နယ် Oakland မှာ မွေးဖွားခဲ့တာပါ။
Zendaya ဟာ ကလေးမော်ဒယ်လ်နဲ့ နောက်ခံအကသမားအဖြစ်ကနေပြီး ဒစ်စနေးချန်နယ်အစီအစဥ်တစ်ခုဖြစ်တဲ့ Shake It Up အစီအစဥ်မှာ ပါဝင်ရင်း သရုပ်ဆောင်လမ်းကြောင်းကို စတင်ခဲ့တာပါ။
Spider-Man: Homecoming ဆိုတဲ့ ဇာတ်ကားကတော့ သူမရဲ့ရုံတင်ကားပွဲဦးထွက်ဖြစ်ပြီး တဖြည်းဖြည်း လူသိများကျော်ကြားလာခဲ့တာဖြစ်ပါတယ်။
သူမဟာ သရုပ်ဆောင်ကောင်းရုံသာမကဘဲ သီချင်းဆိုလည်း အင်မတန်ကောင်းတာကြောင့် Musical ရုပ်ရှင်တွေလည်း ရိုက်ကူးခဲ့ဖူးပါတယ်။
မင်းသမီး Zendaya ဟာ ဟောလိဝုဒ်မင်းသမီးပီပီ ဖက်ရှင်ပိုင်းမှာဆိုရင်လည်း သူမတူအောင် ရွေးချယ်ဝတ်ဆင်တတ်လွန်းတာကြောင့် သူမပါမယ့်ပွဲတွေဆိုရင် ဘယ်လိုဖက်ရှင်ဖြစ်မလဲဆိုပြီး စောင့်ကြည့်ရတာလည်း အမောပါပဲ။
အခုလိုမျိုး ဖက်ရှင် Icon တစ်ဦးဖြစ်တဲ့ Zendaya ရဲ့ အလန်းစားပွဲတက်ဖက်ရှင်တွေကို သူမရဲ့ ပရိတ်သတ်တွေအတွက် စုစည်းတင်ဆက်ပေးလိုက်ရပါတယ်။
Image Source: Getty Images
