ပျိုမေအများစု အားကျရတဲ့ ကိုးရီးယား Idol အများစုရဲ့ ခါးအတိုင်းက များသောအားဖြင့် ၁၈ လက်မကနေ ၂၂ လက်မ ဝန်းကျင်အထိ ရှိတတ်ကြပါတယ်။ ဥပမာ- “25 21” ဇာတ်လမ်းထဲက “Ko Yurim” အနေနဲ့ သရုပ်ဆောင်တဲ့ WJSN အဖွဲ့ဝင် Bona ဆိုရင် ခါး ၁၈ လက်မပဲ ရှိသလို Blackpink အဖွဲ့ဝင် Rosé ဆိုရင် ခါး ၂၀ လက်မ ဝန်းကျင်ပဲ ရှိပါတယ်။ ဒါကြောင့်ပဲ မိန်းကလေးတွေက လက်ရှိ ခါးလက်မကနေ ပိုသေးချင်တဲ့သူတွေ များပါတယ်။ သင်က ခါး ၂၈ ၂၉ လက်မရှိမယ်ဆိုရင်တော့ ပိုသေးတဲ့ ခါးကို လိုချင်မှာပါ။ ဒီတစ်ခေါက်မှာတော့ ခါးအတိုင်းကို သိသိသာသာ လျော့ကျစေဖို့ စွမ်းဆောင်ပေးနိုင်မယ့် ထိရောက်တဲ့ YouTube Video တွေကို ဖော်ပြပါရစေ။

ဒီထဲ ဖော်ပြထားတဲ့ YouTube Video တွေက ထိရောက်ကြောင်း Comment များစွာ ရရှိထားသလို ကြည့်ရှုသူများစွာ ရရှိထားတဲ့ ဗီဒီယိုတွေလည်း ဖြစ်ပါတယ်။ သင်က ဒီဗီဒီယိုတွေကို တစ်ရက်တည်း အကုန် လုပ်စရာမလိုဘဲ တစ်နေ့ တစ်ပုဒ် ဒါမှမဟုတ် နှစ်ပုဒ် လုပ်သွားရုံနဲ့ လုံလောက်ပါတယ်။ ဒီတော့ ဘယ် YouTube Video တွေ ဖြစ်မလဲ ကြည့်လိုက်ရအောင်နော်-

၁။ 40 MIN MILITARY MONDAY HIIT WORKOUT

Subscriber ပေါင်း ၁ သန်းကျော် ရရှိထားတဲ့ growingannanas က ထိရောက်တဲ့ လေ့ကျင့်ခန်း ဗီဒီယိုအရှည်တွေကို တင်လေ့ရှိသူပါ။ ဝိတ်ကျချင်သူတွေ မဖြစ်မနေ လုပ်ရမယ့် HIIT လေ့ကျင့်ခန်းကို သွေးပူလေ့ကျင့်ခန်း အပါအဝင် တစ်ကိုယ်လုံးစာ လေ့ကျင့်ခန်းကို ဒီဗီဒီယိုနဲ့ လုပ်နိုင်မှာပါ။

၂။ 30 MIN UPPER BODY WORKOUT

ခန္ဓာကိုယ် အပေါ်ပိုင်းလေ့ကျင့်ခန်းကို ခါးအဆီကျချင်သူတွေ လုပ်ဖို့ လိုပါတယ်။ ဗိုက်အဆီကျဖို့က တစ်ကိုယ်လုံးစာ လုပ်ပေးမှ ထိရောက်မှာပါ။ growingannanas ရဲ့ ဒီ Upper Body လေ့ကျင့်ခန်းကလည်း သင့်အားကစားရက်ထဲ ထည့်လုပ်ရပါမယ်။

၃။ 10 MINUTE AB WORKOUT

ဗိုက်အဆီကျချင်သူတွေအနေနဲ့ ဗိုက်လေ့ကျင့်ခန်းကို ၁၀ မိနစ် ကနေ ၁၅ မိနစ် အလွန်ဆုံး ထားပြီး လုပ်သင့်ပါတယ်။ ဒီထက် မပိုသင့်ပါဘူး။ ကြည့်ရှုသူပေါင်း သန်း ၄၀ ကျော် ရထားပြီ ဖြစ်တဲ့ Alexis Ren ရဲ့ ဗီဒီယိုက ထိထိရောက်ရောက် ဗိုက်အဆီကျချင်သူတွေနဲ့ သင့်တော်ပါတယ်။

၄။ 15 MIN FULL BODY HIIT WORKOUT

သင်က YouTube ကနေ လေ့ကျင့်ခန်းတွေ ကြည့်လုပ်ဖူးရင် Pamela Reif ကိုရင်းနှီးမှာပါ။ အပေါ်ဆုံးက မိနစ် ၄၀ စာ လေ့ကျင့်ခန်းကို မလုပ်ချင်ရင် ဒီ ၁၅ မိနစ်စာ HIIT လေ့ကျင့်ခန်းကို ပြုလုပ်နိုင်ပါတယ်။

၅။ 20 min Home HIIT Workout

ခါးအဆီကျဖို့ HIIT လေ့ကျင့်ခန်းတွေကို ဦးစားပေး လုပ်ပေးသင့်ပါတယ်။ Natacha Océane က ကျန်းမာပြီး အချိုးအစားကျတဲ့ ခန္ဓာကိုယ်ကို ပိုင်ဆိုင်ဖို့ ဘယ်လိုစားမလဲ၊ ဘယ်လိုလေ့ကျင့်ခန်း လုပ်မလဲ စတာတွေကို သိပ္ပံနည်းကျကျ ပြောပြလေ့ရှိသူ ဖြစ်ပါတယ်။ သူမရဲ့ မိနစ် ၂၀ စာ HIIT လေ့ကျင့်ခန်းကလည်း သင့်လေ့ကျင့်ခန်းတွေထဲ ထည့်သင့်တဲ့ ဗီဒီယိုပါ။

Source: YouTube

By MyStyle Myanmar