သင့် Zodiac Sign အရ သင်က အခွင့်အရေးရခဲ့လို့ ခေါင်းဆောင်ဖြစ်ခဲ့ရင် ဘယ်လိုပုံစံ ဖြစ်မလဲ မြင်ယောင်ကြည့်ဖူးလား။ ဒီကမ္ဘာမှာ အရှက်ဆုံး၊ အကြောက်တတ်ဆုံးလို့ ယူဆရတဲ့ သူတွေတောင် ခေါင်းဆောင်ကောင်းတွေ ဖြစ်နိုင်ပါတယ်။ ဒီထဲမှာတော့ ရာသီခွင်အလိုက် တွေ့ရတတ်တဲ့ ခေါင်းဆောင်မှု စတိုင်တွေကို ဖော်ပြလိုက်ပါတယ်။ သင်က ဒါတွေကို ဖတ်ကြည့်ပြီး သင်နဲ့ တိုက်ဆိုင်ရဲ့လား ပြောပြခဲ့ဦးနော်။
၁။ Aries
Aries တွေက ကိုယ့်ကိုယ်ကိုယ် ယုံကြည်မှုရှိကြပြီး သတ္တိရှိကြပါတယ်။ သင်က အမြဲ အဖွဲ့တစ်ဖွဲ့ရဲ့ ရှေ့ဆုံးက ထွက်ပြီး အကြံပေးတတ်သူ ဖြစ်ပါတယ်။
၂။ Taurus
Taurus တွေကတော့ ယုံကြည်စိတ်ချရသူတွေ ဖြစ်ပါတယ်။ ပြီးတော့ စိတ်ဓာတ် ခိုင်မာကြပါတယ်။ လူတွေက အမြဲ Taurus တွေဆီကနေ အကြံလာတောင်းတတ်ကြပါတယ်။
၃။ Gemini
Gemini ရာသီဖွားတွေက စကားအပြောကောင်းသူတွေ ဖြစ်ပါတယ်။ သင့်ရဲ့ စကားပြောပုံကြောင့်ပဲ နောက်လိုက်တွေ များလာတတ်ပါတယ်။
၄။ Cancer
ဒီရာသီဖွားတွေကတော့ ဦးနှောက်ထက် နှလုံးသားကို ဦးစားပေးသူတွေ ဖြစ်ပါတယ်။ ခံစားချက်နဲ့ ဦးဆောင်တတ်သူတွေ ဖြစ်တာကြောင့် တစ်ခါတလေ ဒုက္ခရောက်တတ်ပါတယ်။
၅။ Leo
Leo တွေက ကိုယ့်ဘက်ပါလာအောင် ဆွဲဆောင်နိုင်တာမို့ ခေါင်းဆောင်တွေ ဖြစ်တာများပါတယ်။ ကိုယ်လုပ်စေချင်တာ လုပ်ပေးဖို့ လူတွေကို စွမ်းဆောင်နိုင်ပါတယ်။
၆။ Virgo
Virgo တွေက အစီအစဉ်တကျ လုပ်တာ၊ စနစ်တကျလုပ်တာတွေမှာ ဆရာကျသူတွေ ဖြစ်ပါတယ်။ ဒါကြောင့် သူတို့ရဲ့ ခေါင်းဆောင်စတိုင်က အရာရာကို စနစ်တကျဖြစ်အောင် စီမံတဲ့ စတိုင်ဖြစ်ပါတယ်။
၇။ Libra
Libra တွေကတော့ တရားမျှတမှု၊ ညီညတ်မှုတွေနဲ့ ပတ်သက်ပြီး စိတ်အားတက်ကြွသူတွေ ဖြစ်ပါတယ်။ သူတို့က ခေါင်းဆောင်တဲ့အခါ တရားအမျှတဆုံး ရလဒ်ရလာအောင် ကြိုးပမ်းတတ်ကြပါတယ်။
၈။ Scorpio
သင့်ကိုတော့ လူအများစုက ရှိန်တတ်ကြပါတယ်။ သင့်မှာ သံလိုက်ဓာတ်တစ်ခု ရှိပြီး ဒါကကို လူတွေကို ဦးဆောင်နိုင်တဲ့ စွမ်းအင်တစ်ခုပါ။
၉။ Sagittarius
Sagittarius တွေကတော့ စွန့်စားရဲသူတွေ ဖြစ်ပါတယ်။ သူတို့ရဲ့ ခေါင်းဆောင်မှု စတိုင်က စိတ်လှုပ်ရှားဖို့ကောင်းပြီး အကြောင်းအရာသေးသေးလေးတွေပေါ် အခြေခံပြီး ဆုံးဖြတ်ချက်အကြီးကြီးတွေ လုပ်ဖို့ မကြောက်ရွံ့တတ်ကြပါဘူး။
၁၀။ Capricorn
စိတ်ရှည်ပြီး စည်းကမ်းရှိတဲ့ Capricorn တွေက ခေါင်းဆောင်ကောင်းတွေ ဖြစ်ကြပါတယ်။ သူတို့က တခြားသူတွေရဲ့ ထင်မြင်ချက်တွေကိုလည်း နားထောင်ပေးတတ်ကြပါတယ်။
၁၁။ Aquarius
ကိုယ့်အတွက် သိပ်မကြည့်ဘဲ တခြားသူအတွက် ပိုတွေးပေးတဲ့ Aquarius တွေက ခေါင်းဆောင်ကောင်းတွေ ဖြစ်တာမဆန်းပါဘူး။ သူတို့က လူတိုင်းကို ညီတူမျှတူ ဆက်ဆံတတ်ကြပါတယ်။
၁၂။ Pisces
Pisces တွေက ငြင်ငြင်သာသာ သမားတွေ ဖြစ်ပါတယ်။ သူတို့က ဘယ်သူ့ကိုမှ ကြမ်းကြမ်းတမ်းတမ်း ပြုမူတာ မရှိပေမယ့် ကိုယ်လုပ်စေချင်တာကိုတော့ တိတိကျကျ ခိုင်းစေတတ်သူတွေ ဖြစ်ပါတယ်။
Photo Source: Pinterest
By MyStyle Myanmar
