အငယ်ဆုံးသားသမီးတွေပဲသိတဲ့ ခံစားချက်တစ်ချို့

တော်တော်များများက အငယ်ဆုံးတွေဆိုရင် အလိုလိုက်ခံရတယ်၊ ဗိုလ်ကျတယ်လို့ပဲ ထင်နေကြတာများပါတယ်။ ဒါပေမယ့် အိမ်တစ်အိမ်မှာ အငယ်ဆုံးသားသမီးတွေက သိတတ်ကြတာများပါတယ်။ ဒါကြောင့် အငယ်ဆုံးသားသမီးတွေပဲသိတဲ့ ခံစားချက်တစ်ချို့ကို ပြောပြပေးလိုက်ပါတယ်။

အိမ်တစ်အိမ်မှာ အငယ်ဆုံးသားသမီးတွေဆိုရင် တော်တော်များများက အလိုလိုက်ခံရတယ်၊ အချစ်ခံရတယ်လို့ ထင်နေကြပါတယ်။ တကယ်တော့ တစ်ခါတစ်လေမှာ အငယ်ဆုံးသားသမီးတွေက ဆိုးတယ်ဆိုပြီး အဆူခံအပြောခံရတာများပါတယ်။ မှားနေတာတစ်ခုခုကို ပြန်ပြောရင်လည်း အကြီးတွေကိုပြန်ပြောတယ်၊ မိုက်ရိုင်းတယ်ဆိုပြီး အမြဲအပြောခံရတတ်ပါတယ်။

Source: www.youngisthan.in

အငယ်ဆုံးသားသမီးတွေက တစ်ခုခုဆိုရင် မိသားစုကို ငဲ့ညှာပြီး အလိုက်သိပေမယ့်လည်း တစ်ခါတစ်လေမှာတော့ အလိုက်မသိတဲ့သူ၊ တစ်ကိုယ်ကောင်းဆန်တဲ့သူလို့ အထင်ခံရပါတယ်။ အငယ်ဆိုပြီး ဗိုလ်ကျတယ်လို့လည်း တချို့ကထင်နေကြပါတယ်။ တကယ်တော့ ဒါတွေနဲ့ဆန့်ကျင်ဘက်လို့တောင် ပြောလို့ရပါတယ်။ တချို့ဆိုးတဲ့သူတွေလည်း ရှိပါတယ်။ ဒါပေမယ့် အငယ်တိုင်းကတော့ မဆိုးသွမ်းကြပါဘူး။

Source: www.obgynwc.com

အငယ်ဆုံးတွေက စကားနားထောင်ပြီး ခိုင်းရင်လည်း လုပ်ပေးတာများပါတယ်။ ဒါပေမယ့် သူတို့စကားနားထောင်တာတွေနဲ့ သူတို့ရဲ့စိတ်ရင်းမှန်တွေကိုတော့ ထုတ်မပြတတ်ကြပါဘူး။ ဒါကြောင့်လည်း ဆိုးသွမ်းတယ်လို့ အထင်ခံနေရတာပါ။ တစ်ခါတစ်လေကျရင် ပြောသမျှလုပ်ပေးပေမယ့်လည်း အကောင်းအပြောမခံရတာတွေ ရှိပါတယ်။ ဒါကြောင့် အငယ်ဆုံးတွေရဲ့ ခံစားချက်ကို အငယ်တွေပဲသိပါတယ်။

Source: www.nihilist.fm

တစ်ခုခုဆိုရင် “နင်ကအငယ်ပဲ” ဆိုတဲ့စကားတွေနဲ့ အနိုင်ယူခံရတာတွေရှိပါတယ်။ မှန်နေလည်းပြန်ပြောရင် ရိုင်းတယ်အပြောခံရလို့ အငယ်တွေက ခံစားချက်ကို မြိုသိပ်တတ်လာပါတယ်။ ဒါမျိုးတွေကတော့ တချို့အငယ်တွေမှာ ဖြစ်နေတဲ့ စိတ်ခံစားချက်တွေပါ။ ဒါ့အပြင် အငယ်ဆုံးမို့ ချုပ်ချယ်ခံရတာတွေလည်း ရှိပါသေးတယ်။ တချို့ကတော့ အငယ်ဆိုရင် ဦးစားပေးခံရပေမယ့် တချို့ကျတော့လည်း အငယ်မို့ အလျော့ပေးလိုက်ရတာတွေ ရှိပါတယ်။