တောင်ကိုရီးယားက နာမည်ကြီး မင်းသမီးများရဲ့ငယ်ဘဝပုံရိပ်လေးတွေ

ကင်မရာတွေက နာမည်ကျော်ကြားသူတွေနားမှာ အမြဲတမ်း ဝဲနေတတ်ပါတယ်။ ဒါကြောင့်မို့လိုပဲ Celebrities ရုပ်ပုံတွေက အင်တာနက် စာမျက်နှာပေါ်မှာ အမြဲတမ်းလိုလို တွေ့ရတတ်တာပါ။ ဒါပေမဲ့ Celebrities တွေရဲ့ ငယ်ပုံရိပ်လေးတွေကိုတော့ တစ်ချို့ပရိသတ်တွေ မမြင်ဖူး မတွေ့ဖူးသေးပါဘူး။ ဒီနေ့တော့ တောင်ကိုရီးယားက နာမည်ကြီး မင်းသမီးများရဲ့ငယ်ဘဝပုံရိပ်လေးတွေကို မျှဝေပေးသွားမှာပါ။

Kim Hee Ae

မင်းသမီး Kim Hee Ae ကတော့ အသက် ၅၆ နှစ်ရှိပြီဖြစ်ပြီး The World of Married ဆိုတဲ့ ဇာတ်ကားနဲ့ ပိုပြီးနာမည်ရလာခဲ့တဲ့ ဝါရင့်မင်းသမီးတလက်ဖြစ်ပါတယ်။

မကြာသေးခင်ကမှ ရုံတင်ပြသသွားခဲ့တဲ့ The Moon ဆိုတဲ့ ဇာတ်ကားမှာလည်း ပါဝင်ထားပါသေးတယ်။

Jeon Do-yeon

မင်းသမီး Jeon Do-yeon ကတော့ အသက် ၅၀ ရှိပြီဖြစ်ကာ သူလည်းပဲ တောင်ကိုရီးယားက ထိပ်တန်းမင်းသမီးတွေထဲမှာ တစ်လက်အဖြစ်ပါဝင်နေပါတယ်။

မကြာသေးခင်ကပဲ Crash Course in Romance ဆိုတဲ့ ဇာတ်လမ်းတွဲနဲ့ ပရိတ်သတ်တွေရှေ့ကို ပြန်လည်ရောက်ရှိလာခဲ့တာပါ။

Park Joo Mi

အသက် ၅၁ နှစ်ရှိပြီဖြစ်တဲ့ မင်းသမီး Park Joo Mi ကတော့ Durian’s Affair ဆိုတဲ့ ဇာတ်လမ်းတွဲကို လောလောလတ်လတ် ရိုက်ကူးပြီးထားပြီး သဘာဝအတိုင်းလှတဲ့ မင်းသမီးကြီးတွေထဲက တစ်လက်ဖြစ်ပါတယ်နော်။

Uhm Jung-hwa

ဒေါက်တာချာ လို့ မြန်မာပရိတ်သတ်တွေ တော်တော်လေး မှတ်မိသွားခဲ့တဲ့ မင်းသမီး Uhm Jung-hwa ကတော့ အသက် ၅၄ နှစ်ရှိပါပြီ။

သူမရဲ့မောင်ကလည်း နာမည်ကြီး မင်းသား Uhm Tae-woong ဖြစ်ပါတယ်။ Uhm Jung-hwa က သရုပ်ဆောင်မလုပ်ခင် အဆိုတော်အဖြစ် အနုပညာလောကကို စတင်ဝင်ရောက်လာခဲ့တာပါ။

Kim Seo-Hyung

နောက်ထပ်မင်းသမီးတစ်လက်ဖြစ်တဲ့ Kim Seo-Hyung ကတော့ အသက် ၅၀ ရှိပြီဖြစ်ပြီး သူမပါဝင်ခဲ့တဲ့ ဇာတ်ကားတချို့ကတော့ Pale Moon, Mine, SKY Castle, Temptation of Wife, Nobody Knows စတာတွေပဲဖြစ်ပါတယ်။

Kim Hye Soo

မင်းသမီးကြီး Kim Hye Soo ကတော့ ငယ်ငယ်လေးကတည်းက ပင်ကိုယ်လှသူဆိုတာကို အခုလို ပုံတွေမှာ မြင်တွေ့နိုင်ပါတယ်နော်။

အသက် ၅၃ နှစ်ရှိပြီဖြစ်ပြီး Under the Queen’s Umbrella, Tazza: The High Rollers, Juvenile Justice, Smugglers, Signal, Hyena, The Thieves စတဲ့ နာမည်ကြီးဇာတ်ကားတွေကို ရိုက်ကူးထားပါတယ်။

Kim Sung Ryung

မင်းသမီး Kim Sung Ryung ကတော့ မင်းသမီးမလုပ်ခင် ၁၉၈၈ ခုနှစ်မှာ Miss Korea ပြိုင်ပွဲမှာ အနိုင်ရရှိခဲ့ပြီး KBS ရုပ်သံလိုင်းက Entertainment Weekly ဆိုတဲ့ အစီအစဥ်မှာလည်း သတင်းတင်ဆက်သူအဖြစ် လုပ်ကိုင်ခဲ့ပါတယ်။ အခုဆိုရင်တော့ အသက် ၅၆ နှစ်ရှိပါပြီ။

Song Yoon Ah

မင်းသမီးကြီး Song Yoon Ah ကတော့ ထွေထွေထူးထူးမိတ်ဆက်ပေးစရာ လိုမယ်မထင်ပါဘူးနော်။

အသက် ၅၀ ရှိပြီဖြစ်တဲ့ သူမကတော့ The K2, Show Window: The Queen’s House, Graceful Friends, Secret Mother, Hotelier တို့မှာ ပါဝင်သရုပ်ဆောင်ခဲ့ပါတယ်။

Lee Il Hwa

Reply စီးရီးတွဲတွေကို ကြည့်ဖူးသူတွေအနေနဲ့ အင်မတန်လက်ဖွာလှတဲ့ မင်းသမီးတွေရဲ့ အမေအဖြစ် သရုပ်ဆောင်ခဲ့တဲ့ Lee Il Hwa ကို သေချာပေါက်သိကြမှာပါ။ လက်ရှိမှာတော့ အသက် ၅၂ နှစ်ရှိပြီဖြစ်ကာ တော်တော်လေးကို နုပျိုလှပနေသူပါနော်။