COVID-19 ဖြစ်နေချိန်မှာ အပြင်မသွားပဲ အိမ်မှာနေတာကတော့ အလုံခြုံဆုံးပါပဲ။ ဒါပေမယ့်လည်း တချို့က အလုပ်တွေမပိတ်သေးလို့ သွားနေရတာမျိုးရှိသလို၊ တချို့ကျတော့လည်း မဖြစ်မနေသွားရမယ့်ကိစ္စတွေရှိလို့ အပြင်သွားရတာမျိုး ရှိပါတယ်။ သွားမယ်ဆိုရင်လည်း အဝတ်အစားကို အတိုလေးတွေမဝတ်ပါနဲ့။ အင်္ကျီလက်ရှည်၊ ဘောင်းဘီအရှည်ပဲ ဝတ်သင့်ပါတယ်။ ဒါကြောင့် COVID-19 ဖြစ်နေချိန်မှာတောင် မဖြစ်မနေအပြင်သွားရမယ်ဆိုရင် ဘယ်လိုအဝတ်အစားမျိုးတွေကို ဝတ်ဆင်သင့်လဲဆိုတာ ပြောပြပေးလိုက်ပါတယ်။

မဖြစ်မနေအပြင်သွားရမယ်ဆိုရင် ဂျင်းဘောင်းဘီအရှည်နဲ့ ရာသီဥတုကလည်း နည်းနည်းပူတော့ ရှပ်အင်္ကျီလက်ရှည်တို့ကို ဝတ်သွားပါ။ အတိုတွေ မဝတ်ပါနဲ့။

ဂျင်းဘောင်းဘီအရှည်နဲ့ သိပ်မပူတဲ့ လက်ရှည်အင်္ကျီတွေနဲ့လည်း တွဲဝတ်လို့ရတာပဲဆိုတော့ အရှည်တွေပဲဝတ်နေရပေမယ့်လည်း အဆင်ပြေမှာပါ။

ဂျင်းဘောင်းဘီအရှည်မဝတ်ချင်လည်း အခုဝတ်နေကြတဲ့ Bell Pant, Style Pant အရှည်တွေ ဝတ်လို့ရပါတယ်။ အဓိကကတော့ ဘောင်းဘီအရှည်၊ အင်္ကျီလက်ရှည်ဝတ်ဖို့ပဲ အရေးကြီးတာပါ။ ဘယ်အရာကိုမဆို ကိုယ့်အသားနဲ့ တိုက်ရိုက်မထိတာ အကောင်းဆုံးမို့ပါ။

လက်ရှည်ကိုတစ်ခါထဲမဝတ်ပဲ လွတ်လွတ်လပ်လပ်ဖြစ်အောင် အောက်ကနေ တီရှပ်အပွတွေဝတ်ပြီးမှ အပေါ်ကနေ ရှပ်အင်္ကျီလက်ရှည်တွေ ထပ်ဝတ်မယ်ဆိုလည်း ရပါတယ်။

Uniform ဝတ်နေရတဲ့သူတွေဆိုရင်လည်း အပေါ်ကနေ အင်္ကျီလက်ရှည်လေးတွေ ထပ်ဝတ်သွားတာ ပိုကောင်းပါတယ်။

photo source: www.pinterest.com