အစစအရာရာ ပြိုင်ဆိုင်မှုတွေ၊ စိတ်ဝင်စားစရာ အရာတွေ၊ အလုပ်တွေ၊ စိတ်ရှုပ်စရာတွေ ပိုများလာတဲ့ ခေတ်ကြီးမှာ ညဘက် စောစောအိပ်ပျော်ဖို့က ထင်သလောက် မလွယ်တော့ပါဘူး။ လူတိုင်းလိုလို ဖုန်းကိုယ်စီ ကိုင်လာနိုင်တဲ့ အချိန်မှာ အရင်ထက် Blue Light နဲ့ထိတွေ့မှု ပိုများလာပါတယ်။ ညဘက် စောစောအိပ်တာက အကျိုးများစွာ ရှိတာကိုတော့ ကြိုးစားနေသူ သင့်အနေနဲ့ သိပြီးသား ဖြစ်မှာပါ။ ဒီတော့ ညဘက် စောစော အိပ်ဖို့ကြိုးစားမှုမှာ ကူညီပေးနိုင်မယ့် ယောဂလေ့ကျင့်ခန်းတွေကို ဖော်ပြလိုက်ပါတယ်။

၁။ Hero Pose

ထိုင်လျက် ခြေထောက်နှစ်ဘက်ကို ဘေးဘက်မှာ အသီးသီး ကပ်ထားကာ ခြေဖဝါးကို မျက်နှာကျက်ဘက် မျက်နှာမူထားရပါမယ်။ ဒီအတိုင်း စက္ကန့် ၂၀ နေရပါမယ်။

၂။ Child’s Pose

ခြေထောက်နှစ်ဖက်ကို တင်းပါးအောက် ထားကာ လက်နှစ်ဖက်ဆန့်ပြီး ရှေ့ဘက် ကုန်းပေးရပါမယ်။ စက္ကန့် ၂၀ နေပေးရပါမယ်။

၃။ Upward Dog

ခြေထောက်နှစ်ဘက်ကို လက်ထောက်ပြီး ဆန့်ထားကာ ခေါင်းကို တည့်တည့်ထားရပါမယ်။ စက္ကန့် ၂၀ ပါပဲ။

၄။ Camel Pose

ဒူးကွေးထိုင်ကာ လက်နှစ်ဖက်ကို နောက်ပစ်ပြီး သင့်မျက်နှာကို မျက်နှာကျက်ဘက် မော့ထားရပါမယ်။ စက္ကန့် ၂၀ နေပေးရပါမယ်။

၅။ Butterfly Fold

ခြေဖဝါးနှစ်ခုကို မျက်နှာချင်းဆိုင်ထားကာ ခန္ဓာကိုယ်ကို ရှေ့ကွေးပေးရပါမယ်။ စက္ကန့် ၂၀ နေရပါမယ်။

၆။ Spine Twist

ပထမဆုံး ဒူးကွေးကာ အပေါ် မ ထားရပါမယ်။ ဒီအနေအထားနဲ့ ခန္ဓာကိုယ်ကို ဘေးဘက်စောင်းပေးရပါမယ်။ ဒါကို စက္ကန့် ၂၀ လုပ်ရပါမယ်။

၇။ Bridge

ဒူးကွေးအိပ်လျက်နဲ့ တင်ပါးကို အပေါ်ပင့်ထားရပါမယ်။ ဒါကိုလည်း စက္ကန့် ၂၀ ပါပဲ။

၈။ Knee To Chest

ဒူးကွေးကာ ဒါကို လက်နဲ့ ပိုက်ယူလိုက်ပြီး ရင်ဘတ်ဆီ ကွေးပေးရပါမယ်။ ဒီအနေအထားအတိုင်း စက္ကန့် ၂၀ နေပေးရပါမယ်။

၉။ Corpse Pose

ဒါကတော့ သင်အကြိုက်ဆုံး Pose ဖြစ်မှာပါ။ လက်နှစ်ဖက်ကို ဘေးဘက်ချထားကာ အိပ်လျက်ပုံစံနဲ့ စက္ကန့် ၂၀ နေပေးရပါမယ်။

Photo Source: Pinterest

By MyStyle Myanmar