ခါးအဆီကျပြီး ခါးသွယ်သွယ်လေးကို မိန်းကလေးတိုင်း ပိုင်ဆိုင်ချင်ကြမှာပါ။ နာမည်ကျော်တွေဖြစ်တဲ့ Lisa, IU, Suzy စတဲ့ Idol တွေက ခါးသေးသေးလေးတွေကို ပိုင်ဆိုင်ထားကြပါတယ်။ ခါးလေး သေးနေမှလည်း ကြိုက်တာ ဝတ်နိုင်ကာ ဘာဝတ်ဝတ် ယုံကြည်မှု ရှိနေတတ်ပါတယ်။ ဒီတစ်ခေါက်မှာတော့ နာမည်ကျော်တွေလို ခါးသေးသေးလေး ပိုင်ဆိုင်လာစေမယ့် ထိရောက်တဲ့ လေ့ကျင့်ခန်းတွေကို ဖော်ပြပါရစေ။
၁။ Plank Dips
Photo Source: ingeniovirtual.com
Plank ကို ဘေးစောင်း အနေအထားနဲ့ တံတောင်တစ်ဘက် ထောက်ပေးရပါမယ်။ ဒီအနေအထားနဲ့ပဲ ခန္ဓာကိုယ် ခါးကို မြေပြင်နဲ့ ထိတဲ့အထိ ထိုင်ချပေးရပါမယ်။ Plank Dips လေ့ကျင့်ခန်းက ခါးဘေးအဆီကို ထိရောက်စွာ ကျစေမှာပါ။
၂။ Side Lying Leg Lift
Photo Source: ingeniovirtual.com
ဘေးစောင်းအိပ်ပေးရပါမယ်။ ပြီးနောက် အပေါ်ဘက် ရောက်နေတဲ့ လက်နဲ့ ဆန့်တန်းထားကာ အပေါ် ခြေထောက်ကိုပဲ မ တင်ပေးရပါမယ်။ ဒီလေ့ကျင့်ခန်းကို ဘယ်ညာ တစ်လှည့်စီ လုပ်ပေးရပါမယ်။
၃။ Alternating Crunches
Photo Source: Pinterest
အိပ်ထ မတင်ကိုမှ ပြောင်းပြန် လုပ်ပေးရမှာပါ။ ဘယ်တံတောင်ကို ညာဒူးနဲ့ ထိတဲ့အထိ Belly ရိုက်ပေးရပါမယ်။ ညာကိုလည်း ဒီသဘောတရားအတိုင်း လုပ်ပေးရပါမယ်။
၄။ Reverse Crunches
Photo Source: Spotebi
ခါးဘေးအဆီအပြင် Lower Belly ပါ ကျဖို့ အရေးကြီးတာမို့ Reverse Crunches လေ့ကျင့်ခန်းကို လုပ်ပေးရပါမယ်။ လက်နှစ်ဘက်ကို သင့်ကျောနောက် ထားကာ ခြေထောက် ဆန့်တန်းအနေအထားနဲ့ အပေါ်ဘက်က မြှောက်ပေးရပါမယ်။ ဒီလိုမြှောက်တဲ့အခါ တင်ပါးပါ မြောက်သွားတဲ့အထိ မြှောက်ရပါမယ်။
၅။ Oblique Crunches
Photo Source: Spotebi
အိပ်ထ မ တင်ကိုပဲ ခြေထောက်နှစ်ဘက်လုံးကို ဒူးကွေးပြီး ဘေးဘက်မှာ ထားပေးရပါမယ်။ ဒီအနေအထားအတိုင်း အိပ်ထ မတင် လုပ်ရပါမယ်။ ထားတဲ့ဘက်ကို ဘယ်ညာ ပြောင်းပြီး အိပ်ထ မတင် လုပ်ပေးရပါမယ်။
၆။ Heel Touch Crunches
Photo source: Pinterest
Heel Touch လေ့ကျင့်ခန်းကလည်း ခါးအဆီကို ထိရောက်စွာ ကျစေမယ့် လေ့ကျင့်ခန်းပါ။ လက်နှစ်ဘက်ကို ဘေးဘက် ဆန့်ထားပြီး ခြေဖနောင့်နဲ့ ထိတဲ့အထိ တစ်လှည့်စီ စောင်းပေးရပါမယ်။ သင့်ပခုံးကိုပါ ပင့် မ ပေးထားရပါမယ်။
By MyStyle Myanmar
