မနက်ပိုင်းမှာလေ့ကျင့်ခန်းလုပ်တာက တစ်နေ့လုံးနေရတာပေါ့ပါးပြီး လန်းဆန်းတက်ကြွစေပါတယ်။ ဒါကြောင့် လေ့ကျင့်ခန်းလုပ်ချင်ပေမယ့် မနက်ပိုင်းမှာ အချိန်အများကြီးမပေးနိုင်ဘူးဆိုရင် အခုပြောပြမယ့်လေ့ကျင့်ခန်းတစ်ချို့ကို လုပ်ကြည့်ပါ။
Dumbbell Thrusters — 20 seconds
အရင်ဆုံးခြေထောက်နှစ်ဘက်ကို တင်ပါးအတိုင်း မတ်တပ်ရပ်ပါ။ Dumbbell ကိုကိုင်ထားပြီး တံတောင်ဆစ်တွေကို ကွေးပြီး လက်တွေကို ပုခုံးနားမှာထားပါ။ တင်ပါးကိုကော့ထားပြီး အောက်ပိုင်းကို ထိုင်ထလုပ်ပါ။ ထတဲ့အချိန် လက်ကို အပေါ်ကို ဆန့်တန်းလိုက်ပါ။ စက္ကန့် 20 လုပ်ပါ ။ ပြီးရင် 10 စက္ကန့် အနားယူပါ။
Squat Jacks — 20 seconds
ခြေနှစ်ဖက်ကို ခွဲပြီးရပ်ပါ။ ခြေထောက်ကို ခုန်တဲ့အချိန် ဒူးကို အောက်ကို ကွေးပြီး ထိုင်ထလုပ်ပါ။ စက္ကန့် 20 လုပ်ပါ ။ ပြီးရင် 10 စက္ကန့် အနားယူပါ။
Renegade Rows — 20 seconds
Gym Map ပေါ်မှာ တင်ပါးကို မြှောက်ထားပြီး ခန္ဓာကိုယ်ကို မျဉ်းဖြောင့်တစ်ကြောင်းတည်းဖြစ်အောင် ထားပါ။လက်တစ်ဖက်စီမှာ Dumbbell တုံးကိုင်ပြီး တံတောင်ဆစ်က နောက်ကျောကို ကျော်သွားအောင် ဆွဲတင်ပါ။ လက်နှစ်ဖက်ကို တစ်လှည့်စီလုပ်ပါ။ စက္ကန့် 20 လုပ်ပါ ။ ပြီးရင် 10 စက္ကန့် အနားယူပါ။
Jumping Lunges — 20 seconds
အရင်ဆုံးခြေထောက်နှစ်ဘက်ကို တင်ပါးအတိုင်း မတ်တပ်ရပ်ပါ။ ဒူးကိုကွေးပြီး လေထဲခုန်ပြီးရင် ညာဘက်ခြေထောက်ကို ရှေ့ကိုချပြီး ဘယ်ခြေကို အနောက်ကိုချပါ။ နောက်တစ်ကြိမ် ရှေ့နောက်ပြောင်းပြီး ခုန်ပါ။ စက္ကန့် 20 လုပ်ပါ ။ ပြီးရင် 10 စက္ကန့် အနားယူပါ။
Bicycle Crunches — 20 seconds
Gym Map ပေါ်မှာ ပက်လက်လှန်ပြီး လက်နှစ်ဘက်ကို ခေါင်းအောက်မှာထားပါ။ ဘယ်ဒူးနဲ့ညာဘက်တံတောင်ကို ထိအောင် လုပ်ပေးပါ။ ပြီးရင် ညာဘက်ဒူးနဲ့ ဘယ်ဘက်တံတောင်ကို ထိပေးပါ။ စက္ကန့် 20 လုပ်ပါ ။ ပြီးရင် 10 စက္ကန့် အနားယူပါ။
