အေးချမ်းတဲ့မျက်နှာပေါက်လေးရှိတဲ့ WJSN အဖွဲ့ဝင် အဆိုတော်၊သရုပ်ဆောင် Kim Bona ရဲ့ဖက်ရှင်များ

အားလုံးပဲ မင်္ဂလာပါ။ Kpop Idol အဖွဲ့တစ်ခုဖြစ်တဲ့ WJSN အဖွဲ့ဝင်လေး Bona ကိုတော့ Kpop Fan တွေအပြင် K-Drama ပရိသတ်အချို့ပါ မြင်ဖူးကြမယ်ထင်ပါတယ်နော်။ သူမကတော့ လတ်တလော လူကြိုက်များနေတဲ့ “Twenty-Five Twenty-One” ဇာတ်လမ်းတွဲမှာ ဓားရေးပြအားကစား ရွှေတံဆိပ်ဆုရှင် Go Yu-Rim အနေနဲ့ပါဝင်သရုပ်ဆောင်ထားပြီး လူသိများလာတဲ့ အဆိုတော်နဲ့ သရုပ်ဆောင်မင်းသမီးတစ်ယောက်ပဲဖြစ်ပါတယ်။

အသက် ၂၆ နှစ်ရှိပြီဖြစ်တဲ့သူမဟာ Idol Trainee သက်တမ်း ၇ နှစ်နီးပါးရှိပြီး WJSN အဖွဲ့ဝင်အနေနဲ့ ၂၀၁၆ ခုနှစ်ထဲမှာပွဲဦးထွက်ခဲ့တာပဲဖြစ်ပါတယ်။ သူမရဲ့နာမည်အရင်းက Kim Ji-Yeon ဖြစ်ပြီး Bona အနေနဲ့လူသိများပါတယ်။ ၂၀၁၇ ကစပြီး Drama ဇာတ်လမ်းတွဲတွေမှာ ပါဝင်သရုပ်ဆောင်ခဲ့ကာ ၂၀၂၀ မှာတော့ သူမပါဝင်ရိုက်ကူးခဲ့တဲ့ “Homemade Love Story” ဆိုတဲ့ဇာတ်လမ်းတွဲကတစ်ဆင့် “Best Female Idol-Actress” ဆုကိုရရှိခဲ့ပါတယ်။

သူမဟာ သရုပ်ဆောင်၊ အဆို၊အကနဲ့ အားကစားအချို့မှာပါ ဘက်စုံအရည်အချင်းရှိတဲ့အပြင် မျက်စိအေးစေတဲ့အပြုံးလေးတွေရှိတဲ့ Visual မျိုးပိုင်ဆိုင်ထားသူတစ်ယောက်လည်းဖြစ်ပါတယ်။ နာမည်ကြီး Magazine Brand တွေဖြစ်တဲ့ Dazed Korea , Marie Claire နဲ့ Elle တို့ရဲ့ Cover Model အဖြစ်လည်း ပါဝင်ဖူးတာကြောင့် ဖက်ရှင်ကျတဲ့မော်ဒယ်တစ်ဦးဆိုရင်လည်း မမှားပါဘူးနော်။