မိန်းကလေးတော်တော်များများက အသားအရေကောင်းချင်တယ်၊ ထိန်းသိမ်းမှုတွေပြုလုပ်ချင်ကြပေမယ့် အလှအပနဲ့ပတ်သက်ပြီးတော့ အကြောင်းအရာတော်တော်များများကို ကောင်းကောင်းမသိသေးတာကများပါတယ်။ ဒီလိုအကြောင်းအရာမျိုးတွေထဲကမှ Night Cream နဲ့ပတ်သက်ပြီးတော့ ပြောပြချင်တာလေးတွေလည်း ရှိနေပါသေးတယ်။
Night Cream လို့ပြောလိုက်ရင် လူတိုင်းသိကြပေမယ့် တကယ်အသုံးပြုလားဆိုရင်တော့ လူဦးရေကနည်းလွန်းပါတယ်။ ဒါကတော့ Night Cream ရဲ့အရေးပါပုံတွေ၊ အကျိုးကျေးဇူးတွေကို သေချာမသိသေးတာကြောင့်လည်း ဖြစ်နိုင်လို့ ပျိုမေတို့သိရအောင်ရှင်းပြပေးလိုက်ပါတယ်နော်။
ညဖက်တိုင်းမှာ ပျိုမေတို့ရဲ့အသားအရေပေါ်ကို Night Cream အမြဲတမ်းလိမ်းပေးမယ်ဆိုရင် ရရှိလာမယ့်အကျိုးကျေးဇူးများကို ဖော်ပြပေးလိုက်ပါတယ်။ အသားအရေကိုရေဓာတ်ပြည့်ဝစေပြီး နူးညံ့တဲ့အထိအတွေ့မျိုးလေးတွေကို ရရှိစေပါတယ်။ သင်လိမ်းနေတဲ့ Night Cream ကသင့်အသားအရေကို Collagen ကို တိုးအောင်လုပ်ပေးနိုင်စွမ်းရှိပါတယ်။ ဒါ့အပြင် သင့်မျက်နှာအသားအရေမှာရှိနေတဲ့ သွေးလှည့်ပတ်မှုစနစ်တွေကို ကောင်းမွန်အောင်လို့ကူညီပေးနိုင်တယ်နော်။ အသားအရေလေးကနူးညံ့ပြီး အရေးအကြောင်းတွေ ကင်းစင်ချင်တယ်ဆိုရင်တော့ Night Cream ကိုပုံမှန်လေးလိမ်းပေးဖို့ လိုအပ်ပါတယ်နော်။
Night Cream ကိုရွေးချယ်တဲ့အခါမှာ လိမ်းလိုက်တာနဲ့ ပေါ့ပေါ့ပါးပါးဖြစ်နေမယ့် ခရင်မ်မျိုးကိုပဲရွေးချယ်သင့်ပါတယ်။ သင်ယူမယ့် Night Cream က လိမ်းလိုက်တာနဲ့ ထူထူကြီးဖြစ်နေမယ်ဆိုရင်တော့ မသုံးသင့်ပါဘူး။ Night Cream ကိုအထူကြီးလိမ်းတာမျိုးက သင့်အသားအရေကို ချွေးပေါက်တွေပိတ်ပြီး အသားအရေပျက်စီးတာမျိုးတွေ ဖြစ်စေနိုင်ပါတယ်နော်။
Night Cream ကိုလိမ်းပေးဖို့ဆိုရင် အမှန်ကန်ဆုံးနည်းလမ်းကတော့ မျက်နှာကိုအရင်ဆုံး သန့်စင်ပေးပြီးမှ Night Cream ကိုလိမ်းပေးရမှာပဲဖြစ်ပါတယ်။ လိမ်းတဲ့အခါမှာလည်း မျက်နှာပေါ်ကိုသေချာလေးတင်ပြီး စက်ဝိုင်းပုံစံလှည့်ပြီး လိမ်းပေးရမှာပဲဖြစ်ပါတယ်။ Night Cream ကိုမျက်လုံးတစ်ဝိုက်နားမှာတော့ မလိမ်းရဘူးနော်။
ကောင်းမွန်ပြီးလှပတဲ့အသားအရေမျိုးကို ရရှိဖို့အတွက်ဆိုရင် Night Cream လေးကိုလည်း ပုံမှန်လိမ်းပေးမှ သင့်တော်မှာပေါ့နော်။ Night Cream ကိုလိမ်းစရာမလိုဘူးလို့ စဉ်းစားထားတဲ့အတွေးတွေကို ဖျောက်ပြီး အသားအရေကောင်းမွန်ပြီး ကျန်းမာစေဖို့အတွက် လိမ်းကိုလိမ်းပေးသင့်ပါတယ်နော်။
