ကမ္ဘာကျော် ပေါ့ပ်စတားဖြစ်ခဲ့ဖူးသူ မိုက်ကယ်ဂျက်ဆင်ဟာ အဝတ်အစားပိုင်းမှာ ဇီဇာကြောင်သူတစ်ယောက်ဖြစ်ပါတယ်။ ဒါ့ကြောင့်လည်း သူဆင်တဲ့အဝတ်အစားတွေဟာ ဘာကြောင့်ဝတ်ရတယ် ဘာကိုဆိုလိုတာလဲဆိုတာတွေ အသေးစိတ် စိတ်ဝင်စားစရာတွေ အများကြီးရှိနေပါတယ်။ ဥပမာ သူဝတ်ခဲ့တဲ့ ဂျာကင်အင်္ကျီတွေအားလုံးနီးပါးရဲ့ ညာဘက်လက်မှာ လက်ပက်တစ်ခုအမြဲပက်ထားလေ့ရှိပြီး တစ်ချို့သော ဂျာကင်အင်္ကျီတွေမှာ (၇) ဂဏန်း သုံးလုံးကို တွေ့ရတက်ပါတယ်။

(၁) ရှိုးပွဲတွေပြီးခါနီးအချိန်ကျရင် ဘာလို့သေးငယ်တဲ့ ဝတ်စုံတွေကို ဝတ်ဆင်တာလဲ

မိုက်ကယ်ဂျက်ဆင်ရဲ့ ကကွက်တွေက ရုပ်ပိုင်းဆိုင်ရာအားစိုက်ထုတ်မူတွေ အများကြီးပြုလုပ်ရပါတယ်။ သူဟာ ရှိသမျှအားအင်တွေ အကုန်လုံးကို အသုံးပြုပြီး ကလေ့ရှိပါတယ်။ ဒါ့ကြောင့် ရှိုးပွဲတွေ ပြီးတဲ့အချိန်မှာ မကြာခဏဆိုသလို (၅) ပေါင်ခန့်ကျသွားလေ့ရှိပြီး ခါးလည်း (၁) လက်မခန့် သေးငယ်သွားလေ့ရှိပါတယ်။ သူ့ရဲ့ ကကွက်တွေပီပီပြင်ပြင်ပေါ်နေဖို့ရယ်၊ အဝတ်အစားနဲ့ ခန္ဓာကိုအချိုးအစား ကိုက်ညီမူရှိဖို့ရယ်က မိုက်ကယ်အတွက် အရေးကြီးပါတယ်။ ဒါကြောင့် ဝတ်စုံတစ်စုံလဲတိုင်းလဲတိုင်း ပိုပြီးသေးငယ်သွားလေ့ရှိပါတယ်။

(၂) ခြေထောက်အားပြုပြီး ခန္ဓာကိုယ်တစ်ခြမ်းစောင်းသွားတဲ့ ကကွက်အကြောင်း

မိုက်ကယ် စီးတဲ့ဖိနပ်အောက်ခြေမှာ V-shaped ပုံစံ ချိတ်လေးတစ်ခုရှိပါတယ်။ ဒီချိတ်အကူအညီနဲ့ ကြမ်းပြင်ပေါ်က သံမှိုကို ချိတ်ပြီး သူ့ရဲ့ကျော်ကြားတဲ့ ခန္ဓာကိုယ် (၄၅) ဒီဂရီစောင်းတဲ့ကကွက်ကို ကပြလေ့ရှိပါတယ်။ ဒီကကွက်ကို ကပြဖို့အတွက် ခန္ဓာကိုယ်တစ်ခုလုံးကို တည့်မတ်ထားရပြီး ကျောရိုးနဲ့ ခြေထောက်တွေပေါ်မှာလည်း အားပြုရပါတယ်။

(၃) ဘာလို့လက်အိတ်တစ်ဖက်တည်း ဝတ်ဆင်တာလဲ

မိုက်ကယ်မှာ အရေပြား အရောင်တွေဆုံးရှုံးသွားတဲ့ vitiligo ရောဂါရှိပါတယ်။ ဒီရောဂါက သူ့ရဲ့လက်တစ်ဖက်မှာ စွဲကပ်နေတာကြောင့် ဖုံးကွယ်ဖို့အတွက် လက်အိတ်ဝတ်ဆင်ဖို့ဆုံးဖြတ်ခဲ့ပါတယ်။ ဒါပေမယ့် လက်နှစ်ဖက်လုံး လက်အိတ်ဝတ်ဆင်ခြင်းက ရိုးရှင်းလွန်းတာကြောင့် အများနဲ့မတူအောင် တစ်ဖက်တည်း ဝတ်ဖို့ဆုံးဖြတ်ခဲ့တာပါ။

(၄) သူဝတ်တဲ့ ဂျာကင်အင်္ကျီအားလုံးနီးပါးရဲ့ ညာဘက်လက်မောင်းမှာ ဘာလို့ လက်ပက်ကိုဝတ်ဆင်ရတာလဲ

မိုက်ကယ်ဟာ အများနဲ့မတူထူးခြားတဲ့ အဝတ်အစားတွေကိုပဲ ဝတ်ဆင်ခြင်ခဲ့တာပါ။ အင်္ကျီလက်မောင်းမှာ လက်ပတ်ဝတ်ဆင်ခြင်းက သူ့ကို ထူးခြားစေမယ်လို့ယုံကြည်ခဲ့ပါတယ်။ ပြီးတော့ ဘာလို့ လက်ပတ်က ဝတ်ဆင်ရတာလဲဆိုပြီး သူ့ရဲ့ပရိသတ်တွေ စူးစမ်းတာကိုလည်း မိုက်ကယ်က သဘောကျလေ့ရှိပါတယ်။

(၅) မိုက်ကယ်ရဲ့ ဂျာကင်အင်္ကျီပေါ်က (၇) ဂဏန်း သုံးလုံးအကြောင်း

မိုက်ကယ်ဟာ (၇) ယောက်မြောက်သားဖြစ်ပါတယ်။ သူ့ကို (၁၉၅၈) ခုနှစ်မှာမွေးဖွားခဲ့ပါတယ်။ ပြီးတော့ မွေးခုနှစ် ရှေ့ဂဏန်း နှစ်လုံးဖြစ်တဲ့ (၁၉) နဲ့ နောက်ဂဏန်းနှစ်လုံးဖြစ်တဲ့ (၅၈) ပေါင်းလိုက်ရင် (၇၇) ရပါတယ်။ ဒါကြောင့် တချို့ဂျာကင်အင်္ကျီပေါ်မှာ (၇) ဂဏန်း သုံးလုံးကို ထည့်သွင်းဝတ်ဆင် တာလည်းဖြစ်ပါတယ်။

Source: Bright Side