တစ်ချို့က အချစ်ရေးကံမကောင်းလို့ဆိုပြီး စိတ်ညစ်ကြတယ်။ တစ်ခါတစ်လေကျတော့လည်း အချစ်ရေးကံကောင်းတယ်၊ မကောင်းဘူးဆိုတာ ကိုယ်နဲ့အများကြီးသက်ဆိုင်ပါတယ်။ ဒါကြောင့် အရင်ဆုံး သင့်မှာဒီအချက်တွေရှိနေလားဆိုတာကို ဆန်းစစ်ကြည့်ပါ။ ဒီအချက်တွေကြောင့်လည်း အချစ်ရေးမှာ ကံမကောင်းတာမျိုး ဖြစ်နိုင်ပါတယ်နော်။
ကိုယ့်ရည်းစားအပေါ်မှာ အမြဲတမ်းသံသယစိတ်လွန်ကဲနေရင်လည်း တစ်ဖက်လူက စိတ်ပျက်လာမှာပါ။ သံသယစိတ်လွန်ကဲလွန်းတာ၊ တစ်ခုခုဆို စွပ်စွဲပြောဆိုတတ်တာတွေက အချစ်ရေးကို မတည်မြဲစေပါဘူး။
ရည်းစားဟောင်းတွေနဲ့ အမြဲနှိုင်းယှဉ်ပြီးပြောဆိုတာမျိုးကို လူတိုင်းမကြိုက်ပါဘူး။ ဒီလိုအမြဲပြောတတ်တဲ့သူတစ်ယောက်ကိုလည်း ကြာလာရင်စိတ်ပျက်လာပါလိမ့်မယ်။
တစ်ဖက်လူကို လိုတာထက်ပိုပြီး Control အရမ်းလုပ်တာမျိုး၊ ချုပ်ချယ်တာမျိုး၊ အရာရာကိုလိုက်ပိတ်ပင်တာမျိုးကို အရမ်းလုပ်ရင်လည်း အဆင်မပြေဖြစ်နိုင်ပါတယ်။
ကိုယ့်ရည်းစားအပေါ်မှာ အမြဲအထက်စီးကနေဆက်ဆံပြီး စကားအပြောအဆိုရင့်တာမျိုး၊ ဒေါသအရမ်းကြီးပြီး ကိုယ်ထိလိုက်ရောက်လုပ်တတ်တာမျိုး၊ လူရှေ့ဆို အော်ငေါက်တတ်တာမျိုးတွေ သင့်မှာရှိနေရင်လည်း အချစ်ရေးမတည်မြဲပါဘူး။
ရည်းစားရသွားလည်း တည်တည်ငြိမ်ငြိမ်မနေပဲ မိန်းကလေးတွေနဲ့ရောနှောပတ်သက်တာမျိုး (သို့) ယောင်္ကျားလေးတွေနဲ့ ရောနှောပတ်သက်ပြီး Single ဘဝတုန်းကလိုပဲနေတာမျိုးတွေကြောင့်လည်း အချစ်ရေးအဆင်မပြေဖြစ်နိုင်ပါတယ်။
Photo Source: www.freepik.com
Featured Image Source: Paththatfits
