Forbes မဂ္ဂဇင်းကနေပြီးတော့ ၂၀၂၃ ခုနှစ်ရဲ့ ဝင်ငွေအမြင့်ဆုံး ကမ္ဘာကျော်မော်ဒယ်တွေရဲ့ စာရင်းကို ထုတ်ပြန်လိုက်ပါတယ်။ ကိုယ်အကြိုက်ဆုံး မော်ဒယ်တွေပါဝင်မလားဆိုတာ ကြည့်လိုက်ရအောင်ပါ။
၁၀။ Liu Wen
ဝင်ငွေ ၁၈ သန်းနဲ့ အာရှဂုဏ်ဆောင် မော်ဒယ်တစ်ဦးလည်းဖြစ်တဲ့ Liu Wen ကတော့ ဝင်ငွေအမြင့်ဆုံး နံပါတ် ၁၀ နေရာချိတ်ပါတယ်။ Victoria’s Secret Fashion Show မှာ လျှောက်ခွင့်ရတဲ့ ပထမဆုံး တရုတ်မော်ဒယ်တစ်ဦးဖြစ်သလို အမေရိကန် Vogue မဂ္ဂဇင်းမှာ ကာဗာရိုက်ကူးခွင့်ရတဲ့ ပထမဆုံး တရုတ်မော်ဒယ်လည်းဖြစ်ပါတယ်။
၉။ Joan Smalls
အမေရိကန်ဒေါ်လာ ၁၉ သန်းရရှိခဲ့ပြီး သူမရဲ့ မော်ဒယ်လုပ်သက်က ၁၀ စုနှစ်တစ်စု ကျော်လာခဲ့ပါပြီ။ ဝင်ငွေအမြင့်ဆုံး မော်ဒယ်စာရင်းထဲမှာတော့ နံပါတ် ၉ နေရာက ချိတ်ပါတယ်။
၈။ Bella Hadid
Gigi Hadid ရဲ့ ညီမဖြစ်ပြီး ဝင်ငွေ အမေရိကန်ဒေါ်လာ ၁၉ သန်းနဲ့ ဝင်ငွေအမြင့်ဆုံး မော်ဒယ်တွေထဲမှာ နံပါတ် ၈ နေရာက ပါဝင်နေပါတယ်။
၇။ Cara Delevingne
ဝင်ငွေဒေါ်လာ ၂၈ သန်းနဲ့ အသက် ၃၁ နှစ်အရွယ် Cara Delevingne က နံပါတ် ၇ နေရာမှာရှိနေပါတယ်။
၆။ Gigi Hadid
သူမရဲ့ ဝင်ငွေကတော့ ဒေါ်လာ ၂၉ သန်းရှိပြီး အင်စတာဂရမ်မှာ ဖော်လိုဝါပေါင်း ၇၉.၂ သန်းရှိပါတယ်။
၅။ Rosie Huntington-Whiteley
ဝင်ငွေဒေါ်လာ သန်း ၃၀ နဲ့ နံပါတ် ၅ နေရာမှာ တည်ရှိနေပါတယ်။
၄။ Adriana Lima
သူမရဲ့ ဝင်ငွေကတော့ ဒေါ်လာ ၃၁ သန်းရှိပြီး Victoria’s Secret ရဲ့ သက်တမ်းရင့် မော်ဒယ်တစ်ဦးလည်းဖြစ်ပါတယ်။
၃။ Chrissy Teigen
ဒေါ်လာ ၃၉ သန်းနဲ့ သူမကတော့ နံပါတ် ၃ နေရာက ရပ်တည်နေပါတယ်။
၂။ Gisele Bundchen
သူမရဲ့ ဝင်ငွေကတော့ ဒေါ်လာ သန်း ၄၀ ရှိပါတယ်။ Runway မော်ဒယ်အဖြစ် အနားယူလိုက်ပေမယ့်လည်း နာမည်ကျော် Brand တော်တော်များများနဲ့ စာချုပ်ချုပ်ပြီး အလုပ်တွေ လက်တွဲလုပ်နေသူပါ။
၁။ Kendall Jenner
ဝင်ငွေအမြင့်ဆုံး နံပါတ် ၁ နေရာမှာတော့ အသက် ၂၇ နှစ်သာရှိသေးတဲ့ Kendall Jenner က ရပ်တည်နေပါတယ်။ ဝင်ငွေကတော့ ဒေါ်လာ ၄၅ သန်းရှိပြီး အင်စတာဂရမ်မှာလည်း ဖော်လိုဝါပေါင်း ၂၉၂ သန်းရှိပါတယ်။
