အဖြူရောင်ကိုတော့ အမျိုးသားရော အမျိုးသမီးရော ကြိုက်နှစ်သက်ကြပါတယ်။

ဒီတစ်ခါမှာတော့ အဖြူရောင်ရှပ်အင်္ကျီကို ကိုယ်သွားမယ့်နေရာအလိုက် ဘယ်လိုတွဲဖက်ဝတ်ဆင်ရမလဲဆိုတာ အကြံပြုမျှဝေသွားမှာပါ။ မိန်းကလေးတွေအတွက်ကော ချစ်သူအတွက်အင်္ကျီ လက်ဆောင်ပေးချင်တဲ့အခါ ဘယ်လိုတွဲဖက်ပေးရမလဲ စဉ်းစားမရဖြစ်နေလား။ ဒါလေးကို ဝင်ဖတ်ကြည့်လိုက်နော်။

အလုပ်သွားမယ့် စတိုင်လ်

အလုပ်သွားတဲ့အခါ အဖြူရောင်ရှပ်အင်္ကျီ က ကိုယ်နဲ့အသင့်တော်ဆုံးပါပဲ။ အဖြူရောင်ရှပ်အင်္ကျီရယ် Neck Tie ရယ် Neck Tie မှာညှပ်တဲ့ ကလစ်ရယ် နာရီရယ် ခါးပတ်အနက်ရယ် အနက်ရောင်ပြောင်ဘောင်းဘီရယ် ဝတ်လိုက်ရင် အသင့်တော်ဆုံးပါပဲ။

ချည်သားရှပ်အင်္ကျီ နဲ့ စတိုင်လ်

ဖြူဖြူဖွေးဖွေးနဲ့ ကြည့်လို့ကောင်းစေမဲ့ ချည်သား အဖြူရောင်ရှပ်အင်္ကျီကို အဖြူရောင် ဘောင်းဘီ (သို့) အနက်ရောင်ဘောင်းဘီနဲ့ တွဲပြီးဝတ်လိုက်ပါ။ အကျီ ၤလက်တွေကို ခေါက်တင်ထားလိုက်ပါ။

အပြာရောင်အပေါ်ဝတ်ကုတ်အင်္ကျီနဲ့ အဖြူရောင်ပန့်ဘောင်းဘီ

အဖြူရောင်ရှပ်အင်္ကျီရယ် အပြာရောင် ကုတ်ရယ် နဲ့ အဖြူရောင်ပန့်ဘောင်းဘီတွဲဝတ်လိုက်တာကလည်း အလိုက်ဖက်ဆုံးပါပဲ။

ခရီးသွားမယ့်စတိုင်လ်

ခရီးတိုတစ်ခုကိုသွားတဲ့အခါ ရှပ်အင်္ကျီ အဖြူကို လက်ခေါက်တင်ပြီး ကြယ်သီးကို အပေါ်က နှစ်လုံး သုံးလုံးလောက် ဖွင့်ထားပါ။ ပြီးရင် အနက်ရောင်လည်သာလက်ဆွဲအိတ်ရယ် အညိုရောင်ခါးပတ်ရယ် ဖုန်းနာဂျက်ရယ် ဂျင်းပြာရယ်တွဲဖက်ဝတ်ဆင်လိုက်ရင် လုံးဝကို ပြီးပြည့်စုံသွားပါပြီ။

ပေါ့ပေါ့ပါးပါးစတိုင်လ်

အရောင်တောက်တဲ့ ပန့်ဘောင်းဘီနဲ့ အဖြူရောင်ရှပ်အင်္ကျီ နဲ့ တွဲဝတ်လိုက်ရင်ပဲ ပြီးပြည့်စုံနေပါပြီ။

နွေရာသီစတိုင်လ်

နွေရာသီမှာ လည်ကတုံးရှပ်အင်္ကျီလေးနဲ့ မိန်းကလေးတွေရဲ့ အကြည့်တွေကို ဒီလိုဝတ်ဆင်လိုက်ပါနော်။

ကြိုးသိုင်း (Suspender) နဲ့ ဝတ်မယ်

ကြိုးသိုင်းသေးသေးလေးနဲ့ ဂန္တဝင်ဆန်ဆန်စတိုင်လ်ရယ် ခေတ်သစ်စတိုင်ရယ်ပေါင်းစပ်ပြီး ဒီလိုဝတ်ဆင်လို့ရပါတယ်။

အဖြူရောင်နတ်သားလေး

တကိုယ်လုံး အဖြူရောင်တွေနဲ့ပဲ ဒီလိုစတိုလ်လေးဝတ်ဆင်လိုက်ပါ။ မင်္ဂလာဆောင်တို့ တွေ့ဆုံပွဲတို့သွားတဲ့အခါ အသင့်တော်ဆုံးပါပဲ။

Source: outfittrends.com