များသောအားဖြင့် အမျိုးသမီးတွေဟာ မျက်စိသိပ်လျင်တဲ့ အထဲမှာ ပါပါတယ်။ ဒါကြောင့်ပဲ တစ်ယောက်ယောက်နဲ့ စတွေ့တာနဲ့ ဘယ်လိုပုံစံလဲ ၊ ဘာတွေ ထူးခြားသလဲဆိုတာ သူတို့က ပိုသိကြပါတယ်။
ဒီဆောင်းပါးလေးမှာတော့ မိန်းကလေးတွေ စပြီး သတိထားမိသွားတဲ့ အရာတစ်ချို့အကြောင်း ပြောသွားမှာပါ။
(၁) အဝတ်အစား
မိန်းကလေးတွေဟာ စတွေ့တွေ့ချင်းမှာ လူတစ်ယောက် ဘာဝတ်ထားသလဲ ၊ သူ့ဝတ်ပုံအနေအထားက အဆင်ပြေရဲ့လား ချက်ချင်း သတိထားမယ်တယ်လို့ ဆိုပါတယ်။
(၂) စကားပြောဆိုပုံ
စကားပြောဆိုတဲ့ ပုံစံကို လူတိုင်း သတိထားမိတတ်ကြပါတယ်။ မိန်းကလေးတစ်ယောက်ဟာ သူနဲ့ တွေ့သူရဲ့ စကားပြောတဲ့ ပုံစံ ၊ လေယူလေသိမ်းနဲ့ အသံထွက်ပုံစံကို ချက်ချင်း သိတယ်လို့ ဆိုပါတယ်။
(၃) အပြုံး
မိန်းကလေးတစ်ယောက်နဲ့ တွေ့ချိန်မှာ ပြုံးပြလိုက်တာက ဆွဲဆောင်မှု ရှိစေပါတယ်။ နောက်တစ်ချက်က အဲ့ဒီအပြုံးကိုလည်း သူမက မှတ်မိနိုင်တာကြောင့်ပါ။ မိန်းကလေးတွေအများစုဟာ သူတို့နဲ့တွေ့တဲ့သူတွေရဲ့ အပြုံးကို အမြဲတမ်း သတိထားမိတယ်လို့ ဆိုပါတယ်။
(၄) အပြုအမူ
သင့်ကိုယ်ဟန်အမူအယာဟာ သင့်အကြောင်း ပြောနေပါတယ်။ မိန်းကလေးတွေဟာ သင့်ရဲ့ အပြုအမူကို ဖတ်ရှုနေတယ်ဆိုတာ သိထားသင့်ပါတယ်။
