အလုပ်အတွက် အင်တာဗျူးသွားတဲ့အခါ First Impression ကောင်းဖို့အတွက်က သင့်ရဲ့ဝတ်စားဆင်ယင်မှုပေါ် အများကြီးမူတည်ပါတယ်။ သင်ဝတ်တဲ့အဝတ်အစားကြောင့် တခြားသူတွေသင့်ကို မြင်တဲ့အမြင် ပြောင်းလဲနိုင်တာမလို့ အလုပ်အင်တာဗျူးအတွက် ပေါ့ပေါ့ပါးပါးဖြစ်ဖို့နဲ့ စမတ်ကျအောင် ဝတ်နိုင်ဖို့ အကြံပြုချက်တချို့ကို ဝေမျှပေးချင်ပါတယ်။

ရိုးရိုးရှင်းရှင်းဝတ်ပါ

အဝတ်အစားဝတ်တဲ့အခါ ပရော်ဖက်ရှင်နယ်ကျကျနဲ့ ရိုးရှင်းပြီး သက်တောင့်သက်သာရှိတဲ့ အဝတ်အစားမျိုးဝတ်ပါ။ ပေါ့ပေါ့ပါးပါး ဂျာကင်အင်္ကျီမျိုး ဒါမှမဟုတ် ချည်ထိုးဆွယ်တာအင်္ကျီနဲ့ ရိုးရှင်းတဲ့အင်္ကျီမျိုး ဝတ်ပါ။

ဘောင်းဘီ သို့မဟုတ် စကတ် ဝတ်ပါ

အနက်ရောင် ဒါမှမဟုတ် Navy Pants ၊ ဒူးလောက်ထိရှည်တဲ့ Pencil Skirt တွေက အင်တာဗျူးအတွက် အသင့်တော်ဆုံးတွေပါ။ ဝတ်တဲ့အခါ အင်္ကျီကို ဘောင်းဘီ ဒါမှမဟုတ် စကတ်ထဲမှာ ထည့်ထားဖို့တော့ လိုပါလိမ့်မယ်။

သက်တောင့်သက်သာရှိတဲ့ဖိနပ်ရွေးပါ

လမ်းလျှောက်ရတာ သက်တောင့်သက်သာဖြစ်စေပြီး ခြေချောင်းမပေါ်တဲ့ဖိနပ် ၊ ကိုယ်စီးနိုင်တဲ့ အမြင့်အရွယ်အစားရှိတဲ့ Heel ကို အနက်ရောင် သို့ အညိုရောင် ရွေးပါ။ ရှုတ်ရှက်ခက်နေတဲ့ ကြိုးတွေနဲ့ဖိနပ်တွေ ၊ Bling Bling ဖိနပ်တွေ ညစ်ပတ်နေတဲ့ဖိနပ်တွေကိုတော့ မစီးသင့်ပါဘူး။

Accessories သေချာဝတ်ပါ

ဝတ်တဲ့အဝတ်အစားနဲ့လိုက်ဖက်တဲ့ Accessories ကိုဘဲ ရိုးရှင်းပြီး ပရော်ဖက်ရှင်နယ်ဖြစ်အောင် ဝတ်ပါ။ မျက်စိနောက်စေတဲ့ နားကပ် ၊ လက်စွပ် ၊ ဆွဲကြိုးတို့ကို ရှောင်ပါ။