ခြေချောင်းလှလှ သန့်သန့်လေးတွေဖြစ်ဖို့ ဘာတွေ ဆောင်ရမလဲ

ခြေချောင်းလေးတွေဟာ တကိုယ်ရေ သန့်ရှင်းရေးအတွက် ပြယုဒ်တစ်ခုပါပဲ။ ခြေချောင်းသန့်သန့်လေးတွေဟာ ကိုယ့်ရဲ့ ဆွဲဆောင်မှုတစ်ရပ်ပဲဖြစ်ပါတယ်။

သန့်ရှင်းနေတဲ့ ခြေချောင်းလေးတွေကြောင့် ဂုဏ်လည်း ပိုတက်စေပါတယ်။ ဒီတော့ ခြေချောင်းလှလှသန့်သန့်လေးတွေဖြစ်ဖို့ ဘာတွေ ဆောင်ရမလဲ။

Wet Tissue ဆောင်ထားပါ

သူများတွေက မျက်နှာချွေးတွေ အဆီပြန်မှုတွေအတွက် Wet Tissue ဆောင်တတ်ကြပေမယ့် ကိုယ်ကတော့ ခြေထောက်သန့်ရှင်းရေးလုပ်ဖို့အတွက် ဆောင်ရပါမယ်။

အထူးသဖြင့် ဖုန်တွေ ၊ ရွှံ့တွေ ၊ သဲတွေ ထူထပ်တဲ့ နေရာမျိုးကို သွားခဲ့ပြီး ရေဆေးဖို့ အဆင်မပြေတဲ့အခါမျိုးမှာ ဒီ Wet Tissue လေးက အရမ်းအသုံးဝင်ပါလိမ့်မယ်။

Foot Spa လုပ်နည်း

ဆိုင်တွေဘာတွေ မသွားချင်လည်း အိမ်မှာပဲ Foot Spa လုပ်လို့ရပါတယ်။ အရင်ဆုံး ရေခပ်နွေးနွေးထဲကို ဆားကြမ်းနဲ့ မုန့်ဖုတ်ဆိုဒါမှုန့် အနည်းငယ်ထည့်ပါ။ အဲဒီထဲကို ခြေထောက်ထည့်ပြီး ၅ မိနစ်ခန့်စိမ်ပါ။

ချေးတွေကို သန့်စင်ဖယ်ရှားပါ

ပြီးရင်တော့ ဂျီးတွန်းကျောက်အနုစား နဲ့ ဘရပ်ကို သုံးပြီး ခြေထောက် အသားမာနေရာတွေနဲ့ ခြေသည်းကြားက ဂျီးတွေကို သန့်ရှင်းရေးလုပ်ပေးပါ။ အထူးသဖြင့် ခြေမရဲ့ ခြေသည်းကြားတွေကို သေသေချာချာ သန့်စင်ပေးပါ။ အဲဒီခြေမရဲ့ ခြေသည်းတွေကြားမှာ ပိုပြီး ဂျီးတွေရှိနေတတ်ပါတယ်။

Foot mask သုံးပါ

ခြေသည်းတွေကြား သန့်ရှင်းရေးလုပ်ပြီးသွားရင်တော့ တခါသုံး foot mask ကလေးတွေ အသုံးပြုပြီး ခြေထောက်ကို ပေါင်းတင်နိုင်ပါတယ်။ Mask ရွေးချယ်တဲ့ နေရာမှာလည်း ကိုယ့်လိုအပ်ချက်အလိုက် ရွေးချယ်ဝယ်ယူနိုင်ပါတယ်။

ဥပမာ အသားအရေကို စိုပြေစေတဲ့ အမျိုးအစား ၊ ဖြူစင်ကြည်လင်စေတဲ့အမျိုးအစား စသဖြင့် ရွေးချယ်ဝယ်ယူနိုင်ပါတယ်။