Shaving လုပ်ရင်း မတော်တဆ ဓားထိသွားတဲ့ ဒဏ်ရာဟာ ကြီးကြီးမားမား မဟုတ်ပေမယ့်လည်း စပ်ဖျင်းဖျင်းနဲ့ တကယ်ကို ခံရခက်စေပါတယ်။

ဒါကြောင့် ဒီတစ်ခေါက်မှာတော့ Shaving လုပ်ရင်း မတော်တဆဓားထိသွားတဲ့အခါ ချက်ချင်းပြုလုပ်ပေးရမယ့် အချက်လေးတွေကို ပြောပြပေးချင်ပါတယ်။

အဆင့် (၁) – Shaving လုပ်ရင်း မတော်တဆ ဓားထိသွားတဲ့အခါ ရှေးဦးစွာ ဒဏ်ရာကို ရေဖြင့်သန့်စင်သွားအောင် ဆေးကြောပေးပါ။ မမြင်နိုင်တဲ့ ပိုးမွှားအန္တရာယ်ကို ပိုမိုကာကွယ်ချင်တယ်ဆိုရင် ဆပ်ပြာပျော့ တစ်မျိုးမျိုးသုံးပြီး ဆေးကြောပေးလို့ရပါတယ်။

အဆင့်(၂) – ဒဏ်ရာကို ရေခြောက်အောင် သုတ်ပေးပါ။ သွေးထွက်နေသေးတယ်ဆိုရင်တော့ သွေးတိတ်အောင် သန့်စင်တဲ့ တစ်ရှုး သို့မဟုတ် ဂွမ်းစလေးတွေနဲ့ ဒဏ်ရာကို ခဏလောက် ဖိထားပေးပါ။

အဆင့် (၃) – သွေးတိတ်သွားပြီဆိုရင်တော့ ဒဏ်ရာအနီးတစ်ဝိုက်ကို ရေခဲတုံးဖြင့် ညင်သာစွာပွတ်ပေးပါ။ ရေခဲတုံးနဲ့ ပွတ်ပေးခြင်းအားဖြင့် ဒဏ်ရာတစ်ဝိုက် နာကျင်ရောင်ရမ်းမှုတွေကို သက်သာစေမှာဖြစ်ပါတယ်။

အဆင့်(၄) – နောက်ဆုံးအနေနဲ့ကတော့ ရောဂါပိုးမွှားတွေ မဝင်နိုင်အောင် ဒဏ်ရာကို အနာကပ်ပလာစတာလေးတစ်ခု ကပ်ထားပေးပါ။ Shaving လုပ်ရင်း ဓားထိတဲ့ ဒဏ်ရာဆိုတော့ ကြီးကြီးမားမားမဟုတ်တဲ့အတွက် တစ်နာရီလောက်နေရင်တော့ ပလာစတာကို ပြန်ခွာလိုက်လို့ရပါပြီ။

အထက်ပါ အဆင့် (၄) ဆင့်ကတော့ ဓားထိမိတဲ့အခါမှာ ချက်ချင်းကို ပြုလုပ်ပေးသင့်တဲ့ အချက်လေးတွေပဲ ဖြစ်ပါတယ်။ ဒါမှလည်း ဒဏ်ရာဟာ ရောဂါပိုးဝင်တာမျိုးတွေမဖြစ်တော့ဘဲ အမြန်ဆုံး သက်သာပျောက်ကင်းစေမယ့် မှန်ကန်တဲ့ နည်းလမ်းလေးတွေဖြစ်ပါတယ်။