နေကာမျက်မှန် ဝယ်မယ်ဆိုရင် ထည့်သွင်းစဥ်းစားရမယ့် အချက်များ

နေကာမျက်မှန်တွေဟာ အရွေးမှန်ရင် တော်ရုံ မျက်နှာပေါက်မလှသူကိုတောင် အချိုးကျပြီး ကြည့်ကောင်းသွားစေနိုင်ပါတယ်။

နေကာမျက်မှန်တွေကတော့ လူတစ်ယောက်ကို ပိုလို့ ခန့်ညားတဲ့ အသွင်ဆောင်စေပါတယ်။

ရာသီဥတုကြောင့် မျက်စိကျန်းမာရေး မထိခိုက်အောင်ဖြစ်ဖြစ် ဖက်ရှင်အရ အသွင်ဆန်းချင်လို့ဖြစ်ဖြစ် နေကာမျက်မှန် ဝယ်မယ်ဆိုရင် ဒီအချက်လေးတွေ ထည့်စဉ်းစားသင့်ပါတယ်။

(၁) မျက်မှန်အမျိုးအစားများ

နေကာမျက်မှန်တွေကို ကိုင်းဒီဇိုင်းပေါ်လိုက်ပြီး ၅ မျိုးခွဲနိုင်ပါတယ်။

လေယာဉ်မှူးတွေ တပ်လေ့ရှိတဲ့ Aviator Sunglasses

Ray-Ban ရဲ့ နာမည်ကျော် Wayfarers Sunglasses

မျက်မှန်အဝိုင်းပုံ ဖရိမ်နဲ့လာတဲ့ Round Frame Sunglasses

အဝိုင်းကိုင်းထူ Clubmaster / Browline Sunglasses

Wrap Around Sunglasses

(၂) ဖရိန်ရွေးနည်း

နဖူးကျယ်ပြီး မေးရိုးချွန်သွားတဲ့ တြိဂံမျက်နှာပိုင်ရှင်တွေအတွက် Wrap Around Sunglasses ၊ ဘဲဥပုံမျက်မှန်ကိုင်း ၊ Aviator Sunglasses ၊ Clubmaster / Browline နဲ့ လေးထောင့်ဆန်တဲ့ Wrap-Around Rectangle ဒီဇိုင်းတွေ ရွေးတာ ကောင်းပါတယ်။

အသည်းပုံ မျက်နှာပိုင်ရှင်တွေကတော့ လေးထောင့်ဆန်တဲ့ Wrap-Around Rectangle ဒီဇိုင်း ၊ Aviator Sunglasses၊ Geometric Sunglasses နဲ့ Wrap Around Sunglasses တွေ ရွေးချယ်သင့်ပါတယ်။

Diamond မျက်နှာပိုင်ရှင်တွေအနေနဲ့ အဝိုင်း စတိုင် ၊ ဘဲဥပုံ စတိုင် ၊ Aviator Sunglasses နဲ့ Wrap Around Sunglasses တွေက အလိုက်ဖက်ဆုံးပါ။

မျက်နှာဝိုင်းတဲ့သူတွေအဖို့ Rectangle ၊ Square ၊ Aviators Sunglasses အပြင် Wrap Around Sunglasses မျိုး ရွေးချယ်သင့်ပါတယ်။

မျက်နှာရှည်တဲ့သူတွေဖို့တော့ Classic Way Frame Sunglasses ၊ Clubmaster / Browline ပုံစံတွေ နဲ့ Oval Shape ၊ Aviator Sunglasses ၊ Round Shape ၊ Geometric အပြင် Wrap Around Sunglasses မျိုးတွေလည်း ဝတ်ဆင်နိုင်ပါတယ်။

ဘဲဥပုံ မျက်နှာပိုင်ရှင်တွေဟာ Rectangle ၊ Square ၊ Classic Wayframe ၊ Clubmaster / Browline ၊ Aviator Sunglasses ၊ Geometric နဲ့ Wrap Around Sunglasses ပုံစံတွေ ရွေးချယ် ဝယ်ယူနိုင်ပါတယ်။

လေးထောင့်စတုရန်းဆန်တဲ့ မျက်နှာပိုင်ရှင်တွေအဖို့တော့ Classic Wayframe ၊ Clubmaster / Browline ၊ ဘဲဥပုံစတိုင် ၊ Aviator Sunglasses ၊ အဝိုင်းစတိုင် နဲ့ Wrap Around နေကာမျက်မှန် ကိုင်းတွေက အကောင်းဆုံးပါပဲ။

(၃) မှန်အမျိုးအစား Lens Types

Lens Types ကိုတော့ အစင်းခြစ်ဒဏ် ပိုခံနိုင်တဲ့ Optical Glass ၊ ပလတ်စတစ် Lens ၊ ပိုလီကာဗွန်နိတ် Lens နဲ့ SR-91 Lens ဆိုပြီး ထွက်ပါတယ်။ ဒီထဲမှာ ပိုလီကာဗွန်နတ်တွေက Optical Glass မှန်ထက် ပိုကြည့်ကောင်းပေမယ့် အစင်းခြစ်ဒဏ် ခံနိုင်မှု ပိုနိမ့်ပါတယ်။

SR-91 Lens တွေကတော့ Optical Glass နဲ့ Polycarbonate တို့ရဲ့ Quality နဲ့ ပေါင်းပြီး ထုတ်ထားတာဖြစ်လို့ UV လှိုင်းတွေကို ရာနှုန်းပြည့် ကာကွယ်နိုင်သလို အစင်းခြစ်ဒဏ် ၊ ရေစိုဒဏ် နဲ့ ရောင်ပြန် Anti-Glare ပိုင်းလည်း မြင့်မားပါတယ်။