အရပ်ဆိုတာ ရှည်ချင်တိုင်း ဆွဲဆန့်လို့ မရပါဘူး။ ဒါပေမယ့်လည်း ရှိရင်းစွဲ အရပ်အမောင်းကိုတော့ အမြင်အားဖြင့် ရှည်သယောင် ၊ ပုသယောင် ဖြစ်အောင် ပုံဖော်လို့ ရပါတယ်။
ပုံမှန်အရပ်အမောင်း ပိုင်ရှင်တစ်ယောက်အနေနဲ့ ကိုယ်ဝတ်လိုက်တဲ့ ဖက်ရှင်ကြောင့် အရပ်ပုသလိုမျိုး ဖြစ်မသွားစေဖို့ အကြံတချို့ ပေးချင်ပါတယ်။
(၁) သင့်တော်တဲ့ Jeans အရှည် မဝတ်ခြင်း
Jeans ဖက်ရှင်တွေက ဝတ်တတ်ရင် အရပ်ပုသူကိုတောင် အရပ်ရှည်သယောင် ဖြစ်စေနိုင်ပါတယ်။ ဒါကြောင့် Jeans ဘောင်းဘီအောက်အနားဟာ ခြေကျင်းဝတ်အထိရောက်ပြီး သပ်သပ်ရပ်ရပ်ရှိဖို့ လိုပါတယ်။ အရှည်ဆိုဒ် မှန်ဖို့အပြင် ပေါင်နေရာတွေ ပွတာမျိုး မဖြစ်ဖို့လည်း အရေးကြီးပါတယ်။
(၂) ဆိုဒ်ပွ Jacket ဝတ်ခြင်း
အပေါ်မှာ ပြောခဲ့သလိုပါပဲ။ ကိုယ်နဲ့ Right Fit မဖြစ်တဲ့ ဖက်ရှင်တွေက လူကို ပုပွပွကြီး ဖြစ်စေလို့ ရှောင်ကြဉ်သင့်ပါတယ်။
(၃) ခုံမြင့် Heavy Soled Shoes စီးခြင်း
အောက်ခုံမြင့် ရှုးစ်တွေ စီးတာဟာ လူကို အရပ်မြင့်သွားစေသယောင်ထင်ရပေမယ့် ခြေထောက်တွေကို ပိုတိုသွားစေတယ်လို့ပါ မြင်စေနိုင်ပါတယ်။
(၄) Layering အရွေးမှားခြင်း
ဖက်ရှင်အနေနဲ့ အပေါ်ထပ်အင်္ကျီ Layering တွေ ဝတ်မယ်ဆိုရင်လည်း အရောင် နဲ့ အစင်း အရွေးမှန်ဖို့ လိုပါတယ်။ ကာလာတစ်ရောင်တည်း Layering တွေက အရပ်ပုသူတွေအတွက် အရပ်ကို ပိုဆန့်ထွက်စေနိုင်ပါတယ်။
