လက်သည်းအရှည်ထားတာဘဲဖြစ်ဖြစ် ဒါမှမဟုတ် ဆိုင်မှာလက်သည်းဆက်တဲ့အခါမျိုးမှာဘဲဖြစ်ဖြစ် ရွေးလိုက်တဲ့ပုံစံက ကိုယ်ရဲ့လက်နဲ့လိုက်တဲ့ လက်သည်းပုံစံဖြစ်နေဖို့ အရေးကြီးသလို ကိုယ်နဲ့အဆင်ပြေဖို့ကလည်း အရေးကြီးပါတယ်။ ဒါဆို ဘယ်လက်သည်းပုံစံက အကောင်းဆုံးလဲ ? အလိုက်ဖက်ဆုံးလဲဆိုတာ ဘယ်လိုသိနိုင်မလဲ ?
Round Shape
အခုမှလက်သည်းရှည်စပြီးထားမယ် ၊ အိမ်မှာ ကလေးသေးသေးလေးတွေရှိရင် ဒါမှမဟုတ် လက်နဲ့အလုပ်လုပ်ရတာမျိုးဆိုရင် လက်သည်းတွေနဲ့ မခြစ်မိစေတဲ့ ဒီပုံစံက အကောင်းဆုံးပါပဲ။
Oval Shape
လက်ချောင်းလေးတွေက သိပ်မရှည်ဘူးဆိုရင်တော့ ဘဲဥပုံစံလက်သည်းပုံစံထားပေးပါ။ ဒီပုံစံက လက်ချောင်းလေးတွေသွယ်တယ်လို့ ထင်ရစေပါတယ်။
Square Shape
တိကျတဲ့အစွန်းနှစ်ဘက်ရှိတဲ့ လေးထောင့်ပုံစံလက်သည်းဒီဇိုင်းက လက်ချောင်းသွယ်သွယ်လေးတွေနဲ့ လိုက်ဖက်ပါတယ်။ ဒီပုံစံက လက်ချောင်းတွေကို တိုစေတာမို့ လက်တွေကို ရှည်ချင်ရင်တော့ မရွေးသင့်ပါဘူး။
Squoval Shape
သဘာဝဆန်လွန်းတဲ့ ဒီပုံစံကတော့ အိမ်မှာ ထိန်းသိမ်းရတာလည်း လွယ်ကူပြီး လက်သည်းတွေကို အရမ်းဂရုမစိုက်နိုင်တဲ့သူတွေနဲ့ သင့်တော်ပါတယ်။
Almond Shape
ဘဲဥပုံစံနဲ့ခပ်ဆင်ဆင်တူတဲ့ ဒီလက်သည်းဒီဇိုင်းက အချွန်အတက်တွေနဲ့မလို့ ပစ္စည်းအကိုင်အတွယ်တွေမှာ နည်းနည်းတော့ သတိထားရပါလိမ့်မယ်။
Coffin/Ballerina Shape
အလန်းစားမိန်းကလေးတွေနဲ့ လိုက်တဲ့လက်သည်းဒီဇိုင်းကတော့ Ballerina Shape ပါ။
Stiletto Shape
တခြားလက်သည်းပုံစံတွေထက် ရှည်ပြီးလုံးဝချွန်နေတဲ့ ဒီပုံစံက စာရိုက်/စား/ဝတ် စတဲ့ နေ့စဉ်လုပ်ငန်းဆောင်တာများကို လုပ်ဖို့တော့ မလွယ်ပါဘူး။
