ချစ်သူရှိပြီး ရင့်ကျက်တဲ့ မိန်းကလေးတွေဟာ သူတို့ရဲ့ အချစ်ရေးမှာ လုပ်လေ့ရှိတဲ့ အကြောင်းအရာတွေကို မျှဝေပေးချင်ပါတယ်။
အချစ်နဲ့ ဘဝကို ခွဲခြားထားတယ်
ရင့်ကျက်တဲ့ မိန်းကလေးတွေဟာ အချစ်နဲ့ ဘဝဆိုတာကို သတ်သတ်ဆီခွဲခြားထားပါတယ်။ အချစ်ကို ဘဝတစ်ခုလို ကိုးကွယ်တာမျိုး လုပ်လေ့မရှိပါဘူး။ ရည်းစားရသွားလို့လည်း သူတို့ရဲ့ မိတ်ဆွေ သူငယ်ချင်းချင်းတွေနဲ့ အဆက်အသွယ်ပြတ်သွားတာမျိုး လုပ်လေ့မရှိပါဘူး။
ချစ်သူကို ကျေးဇူးတင်ဖို့ ဝန်မလေးဘူး
Source: DeviantArt
ရင့်ကျက်တဲ့ မိန်းကလေးဆိုတာ ကိုယ့်ချစ်သူကို ကျေးဇူးတင်တတ်ဖို့ဝန်မလေးတတ်ပါဘူး။ သူလုပ်တဲ့ အပြုအမူတွေ သူကောင်းတဲ့အကြောင်းအရာတွေအပေါ်မှာ အမြဲတမ်း အသိအမှတ်ပြုလေ့ရှိပါတယ်။
ချစ်သူအပေါ် မကောင်းတဲ့ဖက်ကနေ မမြင်တတ်ဘူး
ချစ်သူကို မကောင်းတဲ့အကြံဉာဏ်တွေ မပေးတတ်သလို အနုတ်သဘောဆောင်တဲ့ အထင်အမြင်မျိုး မရှိပါဘူး။ သူ့ရဲ့ ကောင်းခြင်း ဆိုးခြင်းတွေကို လက်ခံထားတဲ့သူတစ်ယောက်ဖြစ်ပါတယ်။
စကားပြောတိုင်းခဏခဏ ချစ်တယ်လို့ ပြောလေ့မရှိဘူး
Source: liketreesplanted.com
ရင့်ကျက်တဲ့မိန်းကလေးတစ်ယောက်ဟာ စကားတစ်ခွန်းဆုံးတိုင်း အရမ်းချစ်တယ်ဆိုတဲ့ စကားကို ပြောလေ့မရှိပါဘူး။
သူတို့ပန်းတိုင် ရည်မှန်းချက်လည်း မပျောက်သွားဘူး
ချစ်သူမရခင်က ထားထားတဲ့ ပန်းတိုင်ရည်မှန်းချက်တွေလည်း ချစ်သူရပြီးနောက် ပြောင်းလဲသွားတာ ပျက်ပျယ်သွားတာမျိုး မရှိပါဘူး။ အချစ်ဆိုတာ ကမ္ဘာကြီးရဲ့ အဆုံးသတ်အရာတစ်ခုလို့လည်း မယုံကြည်ထားတဲ့သူတွေပါ။
သူတို့ကိုယ်သူတို့ လေးစားမှုအပြည့်ရှိတယ်
Source: cchic.ca
ရင့်ကျက်တဲ့ မိန်းကလေးတွေဟာ သူတို့ကိုယ်သူတို့ တန်ဖိုးထား လေးစားမှုအပြည့်ရှိပြီး အချစ်အတွက်ရူးမိုက်တာမျိုး မရှိပါဘူး။
ချစ်သူကိုလည်း ခဏခဏ ဖုန်းခေါ်လေ့မရှိဘူး
ရင့်ကျက်တဲ့ မိန်းကလေးတစ်ယောက်ဟာ ချစ်သူကို ချစ်ပေမယ့်ခဏခဏ ဆိုသလို ဖုန်းခေါ်လေ့မရှိပါဘူး။ အခုခဏနေရင် ဖုန်းခေါ်လိုက် မက်စေ့ပို့လိုက်လုပ်တာဟာ ကိုယ့်အတွက်လည်း အလုပ်ရှုပ်သလို သူ့အတွက်လည်း အဆင်မပြေတဲ့အရာကြီးပါ။
ကိုယ်ပိုင်ဆုံးဖြတ်ချက်ရှိတယ်
ကိစ္စတစ်ခုခု ကြုံလာတဲ့အခါရယ်မှ မဟုတ်ပါဘူး။ အင်္ကျ ီ ဝယ်လို့ အရောင်ရွေးတာကအစ၊ ဘာစားမယ်ဆိုတာကအဆုံး ကိုယ့်ချစ်သူအကြိုက်ကိုချည်း လိုက်လုပ်တတ်တဲ့သူတစ်ယောက်မဟုတ်ပါဘူး။ ဆုံးဖြတ်ချက်တစ်ခုကို ကိုယ်တိုင်ချနိုင်သူပါ။
