တခြားအရောင်တွေထက် အဝါရောင်ကို နှစ်သက်ကြသူတွေရဲ့ စိတ်နေစိတ်ထားများ

အဝါရောင်ဟာ ကမ္ဘာပေါ်က လူကြိုက်အနည်းဆုံးအရောင်တွေထဲက တစ်ရောင်ဖြစ်ပါတယ်။ “ဘယ်အရောင်အကြိုက်ဆုံးလဲ” ဆိုပြီးတော့ တခြားတစ်ယောက်ကိုမေးလိုက်ချိန်မှာ အဝါရောင်လို့ပြန်ဖြေသူက အင်မတန်ရှားပါတယ်။ ဒါပေမယ့်လည်း အဝါရောင်ချစ်သူတွေရဲ့ စိတ်နေစိတ်ထား၊ စရိုက်တွေကို ပြောပြရာမှာတော့ အကောင်းတွေကများပါတယ်။ ဒါကြောင့် အဝါရောင်ကြိုက်သူတွေအနေနဲ့ ကိုယ့်ဆီမှာ ဘယ်လိုပုံစံ၊ စရိုက်မျိုးရှိနေလဲဆိုတာကို ဆက်ပြီးဖတ်ကြည့်လိုက်ရအောင်ပါ။

၁။ သင်ယူလေ့လာရတာနှင့် ဗဟုသုတတွေကို ပြန်လည်မျှဝေရတာကို သဘောကျတယ်

Source: The Strand

အဝါရောင်ကို အကြိုက်ဆုံးအရောင်လို့ သတ်မှတ်သူတွေဟာ လေ့လာသင်ယူဖို့နဲ့ သင်ယူထားတဲ့ ဗဟုသုတတွေကို တခြားသူတွေနဲ့ ပြန်လည်မျှဝေရမှာကို အရမ်းသဘောကျပါတယ်။ ဗဟုသုတလို့ဆိုရာမှာ တိတိကျကျ တစ်ခုခုမဟုတ်၊ အလုပ်နဲ့ပတ်သက်တာမဟုတ်ပါဘူး။ အသေးအဖွဲကိစ္စလေးတွေလည်းဖြစ်နိုင်သလို ဆန်းဆန်းပြားပြားနိုင်တာတွေလည်းဖြစ်နိုင်ပါတယ်။ အရာရာကိုသိသူ၊ ဥာဏ်ကောင်းသူတစ်ယောက်ဖြစ်ရတာကို သဘောကျတာကြောင့် သင်ယူနိုင်သမျှအရာတွေကို ကြိုးစားသင်ယူတတ်သူဖြစ်ပါတယ်။

၂။ ပျော်ပျော်နေတတ်တယ်

Source: BrightSide

သင့်ဘဝမှာ ပူပန်စရာမရှိလို့၊ အရာရာပြီးပြည့်စုံနေလို့ ပျော်ပျော်နေတတ်တာကို ပြောချင်တာမဟုတ်ပါဘူး။ ပျော်ရွှင်မှုကို အမြဲရှာဖွေနေတတ်တဲ့ အကောင်းမြင်တတ်သူဖြစ်တာကြောင့် သူများအပေါ်မှာအပြစ်မြင်တတ်စိတ် အင်မတန်နည်းပါတယ်။ အရာရာကို မကောင်းမြင်စိတ်နဲ့ကြည့်ဖို့က ပိုပြီးလွယ်ကူပေမယ့်လည်း အဝါရောင်ကိုကြိုက်သူတွေကတော့ အခြေအနေတိုင်းမှာ အကောင်းဖက်ကကြည့်နိုင်အောင် အမြဲကြိုးစားတတ်ကြပါတယ်။

၃။ အမြဲစိတ်ညစ်မနေတတ်ဘူး

Source: Lionesse – Beauty Bar

အဝါရောင်ဆိုရင် အကုန်ကြိုက်တယ်ဆိုသူတွေကို လူတွေက မကြာခဏဆိုသလို နေရောင်ခြည်နဲ့ နှိုင်းယှဥ်လေ့ရှိပါတယ်။ သင်ဟာပျော်ပျော်နေတတ်တယ်၊ အရာရာကိုအကောင်းမြင်တတ်ပြီး ပျော်ရွှင်မှုကို အမြဲရှာဖွေနေတတ်လို့ သင်ရှိနေရင် ဘာစိတ်ညစ်စရာမှ မပေါ်လာတတ်ပါဘူး။ အခြေအနေတိုင်းမှာ အကောင်းဖက်ကပဲ မြင်တတ်အောင်ကြိုးစားလို့ သင့်မျက်နှာပေါ်က အပြုံးပန်းတစ်ပွင့်က ဘယ်တော့မှညိုးမှိန်မသွားပါဘူး။

၄။ ပေါင်းတတ်သင်းတတ်တယ်

Source: BrightSide

ဘယ်လိုအခက်အခဲတွေ၊ စိန်ခေါ်မှုတွေရှိလာပါစေ ပေါင်းတတ်သင်းတတ်တဲ့စရိုက်ကြောင့် သူငယ်ချင်းပေါတာကလည်း အဝါရောင်ကြိုက်သူတွေရဲ့ အားသာချက်တစ်ခုဖြစ်ပါတယ်။ လူစိမ်းတွေနဲ့သွားပြီးစကားပြောရတာ၊ သူတို့အကြောင်းသိဖို့ကြိုးစားတာတွေက သင့်အတွက်တော့ ခက်ခဲတဲ့ကိစ္စတစ်ခုမဟုတ်ပါဘူး။ အကယ်လို့သင်ကနည်းနည်းရှက်တတ်ရင်တောင်မှ တခြားသူတွေနဲ့ အပေါင်းအသင်းလုပ်နိုင်ပါသေးတယ်။

၅။ တက်ကြွလွန်းသူဆိုပေမယ့် ထိန်းထိန်းသိမ်းသိမ်းရှိတယ်

Source: Showbiz Cheat Sheet

ကိုယ့်ကိုယ်ကို အဝါရောင်ကြိုက်သူတစ်ဦးလို့ သတ်မှတ်ထားတယ်ဆိုရင်တော့ သင်ဟာ တက်တက်ကြွကြွနေတတ်သူဖြစ်ပါတယ်။ သို့သော်လည်း ဒီလိုပြောလိုက်လို့ အရာရာမှာ ဗြုတ်စဗြောင်းနင်းနိုင်တယ်လို့ ဆိုလိုတာမဟုတ်ပါဘူး။ အမြဲတမ်းတွက်ချက်နေတတ်ပြီး အရာအားလုံးကို သေချာခြုံငုံမကြည့်ဘဲနဲ့ ဆုံးဖြတ်ချက်လွယ်လွယ်မချတတ်ပါဘူး။ တစ်ခါတစ်လေကျရင်တော့ စိတ်လိုက်မာန်ပါပြုလုပ်တတ်ပေမယ့်လည်း တတ်နိုင်သလောက်တော့ ကိုယ့်ကိုယ်ကိုပြန်ပြီးထိန်းချုပ်ကာကွယ်တတ်ပါတယ်။

၆။ ဟာသဥာဏ်ရွှင်တယ်

Source: Seventeen Magazine

အဝါရောင်ချစ်သူတွေဟာ ကိုယ်ကိုယ်တိုင်လည်း ပျော်ပျော်နေတတ်သလို သူများတကာတွေကိုလည်း အပျော်တွေကိုကူးစက်စေသူဖြစ်ပါတယ်။ အမြဲတမ်းရွှင်ပျနေသူတစ်ဦးဖြစ်လို့လည်း အဖွဲ့ထဲမှာဆိုရင် လူရွှင်တော်လိုကိုဖြစ်နေပါတယ်။ “ပျော်ပျော်နေသေခဲ” ဆိုတဲ့စကားကို လက်ကိုင်စွဲထားသလို စိတ်ညစ်စရာသိပ်မထားဘဲ ပျော်ပျော်နေတတ်လို့ သူငယ်ချင်းအပေါင်းအသင်းတွေက သင့်ဆိုချစ်ကြပါတယ်။