အသားအရေတွေမှာ အစိအစိတွေဖြစ်နေတာမျိုးကို Chicken Skin လို့ခေါ်ကြပါတယ်။ ဒီလို အသားအရေက Chicken Skin လိုမျိုးဖြစ်နေတာကို ပျောက်အောင်လုပ်ပေးနိုင်မယ့် နည်းလမ်းတွေကို မျှဝေပေးလိုက်ပါတယ်။
နေ့တိုင်း exfoliation လုပ်ပေးတာက chicken skin လိုမျိုးဖြစ်နေတဲ့ အသားအရေကို နူးညံ့ချောမွေ့လာစေပါတယ်။ Body scrub လုပ်ပေးရမှာမျိုးမဟုတ်ပါဘူး။ ရေချိုးတိုင်း ဂျီးတွန်းတဲ့အဝတ်မျိုးနဲ့ တိုက်ပေးရမှာပါ။ Body scrub ကတော့ တစ်ပတ် တစ်ခါ လုပ်ပေးရင် ရပါပြီ။
ရေချိုးတဲ့အခါမှာ ရေနွေးနဲ့ချိုးတာဟာ chicken skin လိုမျိုး ဖြစ်လာစေပါတယ်။ အသားအရေပိုခြောက်ပြီး အစိအစိတွေ ပိုထစေပါတယ်။ ဒါကြောင့် ရိုးရိုးရေအေးနဲ့ပဲရေချိုးပြီး Lotion အမြဲလိမ်းပေးပါ။
နို့ထွက်ပစ္စည်းတွေနဲ့ cream တွေကို အရမ်းစားသုံးရင်လည်း အသားအရေက chicken skin ဖြစ်စေတဲ့အတွက် လျော့စားပေးပါ။ ကိုယ်က chicken skin လိုမျိုး ဖြစ်နေပြီဆိုရင်တော့ ဒါတွေကို ရှောင်ပေးဖို့လိုပါတယ်။ ဒါမှလည်း ပျောက်မှာပါ။
Chicken skin ဖြစ်နေတာပျောက်အောင် ဆပ်ပြာသုံးတဲ့အခါမှာ ရေမွှေးနံ့ပါတဲ့ဆပ်ပြာတွေကို ရှောင်ပေးပါ။
အရမ်းကျပ်ပြီးအသားထူတဲ့ အဝတ်အစားမျိုးတွေ၊ ကျပ်တဲ့သိုးမွှေးအင်္ကျီတွေဝတ်ရင် အရေပြားက ယားပြီး chicken skin လို ဖြစ်လာတတ်ပါတယ်။ chicken skin ဖြစ်နေတဲ့သူတွေဆိုရင်တော့ ဒီလိုအဝတ်အစားတွေဝတ်ရင် ပိုဆိုးစေတဲ့အတွက် မဝတ်သင့်ပါဘူး။
Chicken skin ဖြစ်ရင် ဒီနည်းလမ်းတွေနဲ့ သက်သာပြီး ပျောက်အောင်လုပ်ပေးလို့ရပါတယ်။ ဒါပေမယ့် ယားတာမျိုးတွေပါဖြစ်လာရင်တော့ အရေပြားဆရာဝန်နဲ့ပြပြီး သေချာတိုင်ပင်ကုသသင့်ပါတယ်။
source:www.brightside.me
