ဝိတ်ချတဲ့အခါ နာမည်ကြီး Cele တွေက အချိန်တိုတိုနဲ့ ရလဒ်ကို တွေ့ရတာကြောင့် တချို့က နာမည်ကြီး Cele တွေရဲ့ နည်းအတိုင်း လိုက်လုပ်လေ့ရှိကြပါတယ်။ ဒါကတော့ ဟောလီးဝုဒ်မင်းသမီးများ ဝိတ်ချတဲ့အခါ စားလေ့ရှိတဲ့ အစားအစာတွေပါ။
Rebel Wilson
Wilson က 2016 နှစ်ကုန်ခါနီးမှာ 33 ပေါင်နီးပါးလောက်ကို ကျအောင် ချခဲ့တဲ့သူပါ။ သူမက ကိုယ်အလေးချိန်လျှော့ချဖို့ Mayr နည်းလမ်းကို လိုက်နာခဲ့တယ်လို့ သိခဲ့ရပါတယ်။ သူမက အချိန် ( ၁၄ ) ရက်အတွင်း သကြား၊ Gluten နဲ့ Caffeine တို့ကို ရှောင်ခဲ့ပြီး Alkaline Foods ၊ Gluten-Free Cereals နဲ့ ပရိုတင်းကြွယ်ဝတဲ့အစားအစာများကို အဓိကထားစားခဲ့တယ်လို့ ပြောခဲ့ပါတယ်။
Kim Kardashian
Kim ရဲ့ ဝိတ်ကျဖို့အတွက် စားတဲ့အစားအစာတွေထဲမှာ ပရိုတင်းဓာတ်ကြွယ်ဝတဲ့ အစားအစာတွေနဲ့ ဟင်းသီးဟင်းရွက်တွေလည်း ပါဝင်သလို ကာဗိုဟိုက်ဒရိတ်နဲ့ သကြားအားလုံးကို ဖြတ်တောက်ထားခဲ့ပါတယ်။ ဒါ့အပြင် တစ်နေ့ကို ပြေးစက်ပေါ်မှာ နှစ်ကြိမ် ပြေးတဲ့အကျင့်ကို လုပ်ခဲ့ပါတယ်။
Beyonce
Dreamgirls ဇာတ်ကားမှာ သရုပ်ဆောင်ဖို့အတွက် Beyonce က နှစ်ပတ်အတွင်း ပေါင် 20 ကျော် လျှော့ချခဲ့ပါတယ်။ အဆီတွေကို အရည်ပျော်စေပြီး ခန္ဓာကိုယ်က အဆိပ်အတောက်တွေကို ဖယ်ဖို့အတွက် Juice Diet နဲ့ ချခဲ့တာပါ။ ဒါပေမယ့် ဒါက ဘေးကင်းတဲ့ အစားအစာမဟုတ်တာမလို့ နောက်ဆက်တွဲပြဿနာများ ဖြစ်ပေါ်လာနိုင်ပါတယ်။ ဒါကြောင့် အာဟာရဗေဒပညာရှင်နဲ့ အရင်ဆွေးနွေးတာ အကောင်းဆုံးပါပဲ။
Christina Aguilera
ကာဗိုဟိုက်ဒရိတ်၊ Gluten ၊ အသား နဲ့ အဆီတို့ကို ကန့်သတ်မထားဘဲ အနီရောင်၊ လိမ္မော်ရောင်၊ အစိမ်းရောင်၊ ခရမ်းရောင်နဲ့ အဝါရောင် စတဲ့ အရောင်စုံတဲ့ အသီးအနှံတွေ ၊ ဟင်းသီးဟင်းရွက်တွေနဲ့စုံတဲ့ သက်တံ့အစားအသောက်နဲ့ လေ့ကျင့်ခန်းလုပ်ပြီးနောက် ပေါင် ၄၀ လောက်ကျခဲ့တာကတော့ Christina Aguilera ပါပဲ။
Adele
Adele က ကယ်လိုရီစားသုံးမှုကို 3 ရက်အတွက် 1000 Kcal နဲ့ ကျန် 4 ရက်အတွက် 1500 Kcal ကန့်သတ်ထားပြီး စားသလို လေ့ကျင့်ခန်းပါ တွဲလုပ်တာကြောင့် တစ်နှစ်မှာ ပေါင် ၅၀ လောက်ကို ကျခဲ့ပါတယ်။
