မင်္ဂလာပါနော်။ ဒီနှစ်ပိုင်းမှာပဲ ကြည့်ရှုသူတိုင်း အသည်းစွဲဖြစ်ခဲ့တဲ့ “Wednesday” ဇာတ်လမ်းတွဲကိုတော့ တော်တော်များများသိပြီးသားဖြစ်မှာပါ။ ဒီကားထဲမှာပါတဲ့ “Wednesday” ဇာတ်ကောင် မင်းသမီးလေး Jenna Ortega ဟာဆိုရင် ကလေးသရုပ်ဆောင်ဘဝနဲ့ အနုပညာလောကထဲဝင်လာခဲ့သူဖြစ်ပြီး အသက် ၂၀ သာရှိသေးတဲ့ လူငယ်မင်းသမီးတစ်လက်ဖြစ်ပါတယ်။


အသက်ငယ်ပေမယ့် ထိပ်တန်းမင်းသမီးတွေနဲ့ ရင်ဘောင်တန်းပြီး သရုပ်ဆောင်နိုင်တဲ့ သူမဟာ “Wednesday” အပြင် “Jane The Virgin” ၊ “Stuck In The Middle” ၊ “ The Fallout” စတဲ့ဇာတ်လမ်းတွဲတွေမှာလည်း ပါဝင်ခဲ့ပြီး လူကြိုက်များခဲ့ပါတယ်။ မိဘနှစ်ပါးက မက်ဆီကိုနိုင်ငံသားတွေဖြစ်ပြီး သူမကိုတော့ အမေရိကန်နိုင်ငံ၊ ကယ်လီဖိုးနီးယားပြည်နယ်တောင်ပိုင်းမှာ မွေးခဲ့တာပါ။

မွေးချင်းခြောက်ယောက်ထဲမှာ လေးယောက်မြောက်မိန်းကလေးဖြစ်ပါတယ်။ မျက်ဝန်းညိုညို၊ ပါးချိုင့်လေးနဲ့ သဘာဝဆန်တဲ့အလှမျိုး ပိုင်ဆိုင်ထားတဲ့သူမဟာ သူမရဲ့ပုံစံအတိုင်း လွတ်လွတ်လပ်လပ်နဲ့ ပွင့်ပွင့်လင်းလင်းနေတတ်တဲ့သူတစ်ယောက်ပါ။


ဇာတ်လမ်းတွဲတော်တော်များများမှာပါဝင်ခဲ့သူမို့ ရုပ်ရှင်ဆုပေးပွဲတွေမှာ ခဏခဏတွေ့ရတတ်သူလေးလည်း ဖြစ်ပါတယ်။ သူမဝတ်လာတတ်တဲ့ ပွဲတက်ဖက်ရှင်လေးတွေဟာဆိုရင် ခေတ်မှီသလို သူမနဲ့လည်းလိုက်တဲ့ အမိုက်စားဝတ်စုံတွေဖြစ်လို့ ဒီတစ်ခေါက်မှာ Jenna ရဲ့ချစ်ပရိသတ်တွေအတွက် ကျော့ရှင်းလှပတဲ့ ပွဲတက်ဖက်ရှင်ပုံရိပ်လေးတွေကို မျှဝေပေးလိုက်ပါတယ်။

Photo Source: Pinterest

By MyStyle Myanmar