ကျောမှာဝက်ခြံပေါက်တာသက်သာစေမယ့် သဘာဝနည်းလမ်းကောင်းများ

ကျောမှာဝက်ခြံပေါက်ရင် မျက်နှာလိုမျိုး Skincare လိမ်းလို့လည်း အဆင်မပြေသလို ညှစ်ရင်လည်း အမာရွတ်ကကျန်အုံးမှာပါ။ ဒါကြောင့် ကျောမှာဝက်ခြံပေါက်တာ သက်သာစေမယ့် သဘာဝနည်းလမ်းကောင်းတွေကို မျှဝေပေးလိုက်ပါတယ်။

Scrub တိုက်ခြင်း

ကျောမှာပေါက်တဲ့ဝက်ခြံတွေ သက်သာစေဖို့အတွက် အကောင်းဆုံး Scrub တွေကတော့ Rice Scrub နဲ့ Coffee Scrub ပဲဖြစ်ပါတယ်။ Local Made Scrub တွေလည်း အများကြီးရှိတဲ့အတွက် ကိုယ်ကြိုက်တာကို သုံးလို့ရပါတယ်။ Body Scrub လုပ်ရင် ကျောကိုမချန်ထားပါနဲ့။ ကျောကိုလည်း တစ်ပတ်တစ်ခါ ပုံမှန်တိုက်ပေးပါ။

သစ်ကြံပိုးခေါက်အမှုန့်နဲ့ပျားရည်

သစ်ကြံပိုးခေါက်အမှုန့် – ၁ ဇွန်း၊ ပျားရည် – ၂ ဇွန်းကို ရောမွှေပြီး သံပယိုရည်ကိုပါ နည်းနည်းညှစ်ထည့်ပြီး မွှေပေးပါ။ ပြီးရင် ကျောမှာပေါက်နေတဲ့ ဝက်ခြံတွေအပေါ်ကို အုံထားပေးပါ။ ကြာကြာထားပြီးမှ ရေကြက်သီးနွေးလေးနဲ့ ပြန်သန့်စင်လိုက်ရုံပါပဲ။

ရှားစောင်းလက်ပတ်ဂျယ်လ်

ရှားစောင်းလက်ပတ်ဂျယ်လ် စစ်စစ်ကို ဝက်ခြံပေါ် တိုက်ရိုက်ပွတ်ပေးပြီး အချိန်ကြာကြာထားပါ။ ပြီးရင် ရေအေးနဲ့ သန့်စင်ပေးပါ။

Apple Cider Vinegar

Apple Cider Vinegar – တစ်ဆနဲ့ ရေ – နှစ်ဆကိုရောပြီး Spray ဘူးအသန့်ထဲကို ထည့်ထားပါ။ ပြီးရင် ကျောကိုဖြန်းပေးပြီး မနက်ရောက်မှ ရေနဲ့ပြန်သန့်စင်လိုက်ပါ။

Tea Tree Oil

Tea Tree Oil – ၂ စက်၊ ၃ စက်ကို ရှားစောင်းလက်ပတ်ဂျယ်လ်နဲ့ ရောမွှေပြီး ဝက်ခြံပေါ်အုံထားပေးပါ။ တစ်နာရီထားပြီးမှ ရေကြက်သီးနွေးနဲ့ ပြန်သန့်စင်ပေးပါ။ ဝက်ခြံပျောက်ပြီး ထပ်မပွားအောင်လည်း ကြိုတင်ကာကွယ်ပေးပါတယ်။