ဘယ်လိုခန္ဓာကိုယ်အချိုးအစားနဲ့မဆို လိုက်ဖက်တဲ့ အဖြူရောင်ရှပ်ဖက်ရှင်များ

အားလုံးပဲမင်္ဂလာပါနော်။ ပေါ့ပေါ့ပါးပါး ထသွားထလာ ဖက်ရှင်က အများကြီးထူးပြီး စဉ်းစားစရာမလိုပါဘူး။ အဖြူရောင်ရှပ်အင်္ကျီနဲ့ ဘောင်းဘီနဲ့ဆို အမိုက်စားဖြစ်နေပါပြီ။

အရောင်တောက်တောက်တွေ၊ Crazy အရောင်တွေ၊ အရမ်းရှုပ်ယှက်ခတ်နေတဲ့ ဒီဇိုင်းတွေကိုလည်း မိန်းကလေးအများစုက သဘောကျလေ့မရှိပါဘူး။

ဘယ်လိုခန္ဓာကိုယ်အချိုးအစား ဘယ်လိုအသားအရောင်ပဲရှိရှိ ရှပ်အင်္ကျီအဖြူကတော့ သင့်ကို သန့်ပြန့်ပြီး ကြည့်လို့ကောင်းနေစေမှာဖြစ်ပါတယ်။

ဒီတခါမှာတော့ အားလုံးနဲ့လိုက်ဖက်ပြီး စမတ်ကျ မိမိုက်နေစေမယ့် အဖြူရောင်ရှပ်အင်္ကျီဖက်ရှင်တွေကို မျှဝေပေးလိုက်ပါတယ်နော်။

အဖြူရောင်ရှပ်အကျီကိုမှ ဘယ်လိုဒီဇိုင်းအနေအထားမျိုးတွေ၊ ဘယ်လိုစတိုင်မျိုးတွေနဲ့ တွဲဖက်ဝတ်ဆင်နိုင်မလဲဆိုတာကိုပါ တခါတည်းသိသွားနိုင်စေဖို့ မျှော်လင့်ပါတယ်ရှင့်။

အလုပ်ခွင်အတွက်

လုပ်ငန်းခွင်အတွက်ဆိုရင် အပေါ်က ရှပ်အကျီတစ်ထည်ကိုမှ ကိုယ်ကြိုက်နှစ်သက်ရာ Style Pant တစ်ထည်နဲ့ တွဲဖက်ဝတ်ဆင်မယ်ဆိုရင် အင်မတန်ကို ကျော့ရှင်းလှပတဲ့ အမျိုးသမီးတစ်ယောက်အသွင်ဖြစ်စေမှာပါ။ ဒါကိုမှ အပေါ်ကနေပြီး ကုတ်အကျီတို့ ဘလေဇာတို့ ထပ်ဝတ်ချင်ရင်လည်း ဝတ်ပေးနိုင်ပါတယ်။

Slip Dress

၉၀ ခုနှစ်နှောင်းပိုင်းကလိုမျိုး ပုံစံတွေက အခုခေတ်မှာ ပြန်ပြီးတွေ့နေရ ဝတ်လာကြပါတယ်နော်။ အခုလိုမျိုး ပုံမှာပြထားတဲ့အတိုင်း ရှပ်အကျီအဖြူကိုမှ အပေါ်ကနေ ကြိုးတစ်ချောင်း Slip Dress နဲ့ ဝတ်ရင်ဝတ် ဒါမှမဟုတ် ပြောင်းပြန်လုပ်ပြီး Slip Dress အပေါ်ကနေမှ ရှပ်အကျီအဖြူကို ထပ်ဝတ်တာမျိုးဆိုလည်း ဒီဇိုင်းဆန်းဆန်းလေးနဲ့ လှပါတယ်နော်။

ဒူးဖုံးစကပ် (သို့) စကပ်အရှည်တွေ

ဒီဖက်ရှင်ဒီဇိုင်းလေးကတော့ အတိုအပြတ်တွေ ဝတ်ရတာမကြိုက်တဲ့ ပျိုမေတို့အတွက် အထူးသင့်တော်တဲ့ ဖက်ရှင်စတိုင်ဖြစ်ပါတယ်။ ဒူးဖုံးစကပ်နဲ့ဖြစ်ဖြစ် ခြေမျက်စိလောက်ရှည်တဲ့ စကပ်အရှည်တို့နဲ့ဖြစ်ဖြစ် ရှပ်အကျီအဖြူကို တွဲဝတ်မယ်ဆိုရင် တစ်ဖက်မှာလည်း မိန်းကလေးဆန်တဲ့အသွင်ဖြစ်စေသလို တစ်ဖက်ကကြည့်ပြန်ရင်လည်း Chic ဆန်တဲ့အသွင်ကို ရစေမှာပါ။

ရေကူးဝတ်စုံ

ဒါကတော့ ပင်လယ်ကမ်းခြေကို ခရီးသွားတဲ့အချိန်ဖြစ်ဖြစ် ရေကူးကန်တွေမှာ ရေသွားကူးတဲ့အချိန်တွေမှာဖြစ်ဖြစ် ရေထဲမဆင်းသေးခင် ဒါမှမဟုတ် ရေထဲဆင်းပြီးနောက် ရေကူးဝတ်စုံနဲ့ပဲ မနေချင်သူတွေအဖို့ အပေါ်ကနေ ရှပ်အကျီလေးကို ထပ်ဝတ်ထားလို့ရပါတယ်။

ဂျင်းဘောင်းဘီ

ဂျင်းဘောင်းဘီနဲ့ ရှပ်အကျီအတွဲအစပ်ကတော့ မိန်းကလေးတိုင်း သဘောကျပြီး ခဏခဏ ဝတ်လေ့ရှိကြပါတယ်နော်။ ထသွားထလာအတွက်လည်း အဆင်ပြေသလို ရုံးသွားကျောင်းသွားအတွက်လည်း ပေါ့ပေါ့ပါးပါးရှိတဲ့ ဖက်ရှင်စတိုင်ပဲဖြစ်ပါတယ်။

ဘောင်းဘီရှည်အပွ

ရှပ်အကျီအဖြူကိုမှ အောက်ကနေ ဘောင်းဘီရှည်အပွတို့နဲ့ တွဲဝတ်မယ်ဆိုရင်တော့ လေဆိပ်ဆင်းတဲ့အချိန်တွေဖြစ်ဖြစ် ရုံးသွားအတွက်ဖြစ်ဖြစ် စမတ်ကျတဲ့ အမျိုးသမီးတစ်ယောက်ရဲ့ ဖက်ရှင်ကို ဖော်ဆောင်ပေးနိုင်မှာပါ။ ဒါကိုမှ ဒေါက်ဖိနပ်နဲ့ တွဲစီးမယ်ဆိုရင်တော့ ပိုမိုက်သွားပြီပေါ့နော်။

ဘောင်းဘီတို