မျက်လုံးအောက်နားတစ်ဝိုက်က အသားအရေခြောက်သွေ့တာ သက်သာစေမယ့်နည်းလမ်းများ

မျက်လုံးအောက်နားတစ်ဝိုက်က အသားအရေခြောက်သွေ့ရင် မျက်ကွင်းညိုတာ၊ အရေးအကြောင်းတွေ မြန်မြန်ပေါ်လာတာမျိုးတွေ ဖြစ်စေပါတယ်။ ဒါကြောင့် မျက်လုံးအောက်နားတစ်ဝိုက်က အသားအရေခြောက်သွေ့တာ သက်သာစေဖို့အတွက် ရိုးရှင်းတဲ့နည်းလမ်းတချို့ကို မျှဝေပေးလိုက်ပါတယ်။

Mild ဖြစ်တဲ့ မျက်နှာသစ်ဆေးသုံးပါ

ပြင်းတဲ့ မျက်နှာသစ်ဆေးတွေသုံးရင် အသားအရေ ခြောက်သွေ့စေပါတယ်။ ဒါကြောင့် mild ဖြစ်တဲ့ မျက်နှာသစ်ဆေးသုံးပါ။

Moisturizer လိမ်းပါ

အသားအရေခြောက်သွေ့ရင် မျက်လုံးအောက်နားတစ်ဝိုက် အသားအရေလည်း ခြောက်သွေ့တာပါပဲ။ ဒါကြောင့် skincare ကို သေချာလိမ်းရပါမယ်။ အထူးသဖြင့် hydration ကောင်းကောင်းပေးနိုင်တဲ့ moisturizer ကို မနက်ည သေချာလိမ်းပေးပါ။

Eye Cream သေချာလိမ်းပါ

မျက်လုံးအောက်နားတစ်ဝိုက်က အသားအရေခြောက်သွေ့တာ သက်သာချင်ရင်တော့ eye cream မဖြစ်မနေသုံးရပါမယ်။ Eye cream ကိုလည်း hydration ကောင်းကောင်းပေးနိုင်တာမျိုး သုံးပေးပါ။ မျက်လုံးအောက်နားတစ်ဝိုက် အသားအရေ ခြောက်သွေ့တဲ့သူကတော့ eye cream ကို မနက်ည လိမ်းပေးပါ။

ရေများများသောက်ပါ

ခန္ဓာကိုယ်အတွင်းပိုင်းကလည်း ရေဓာတ်ပြည့်ဝနေမှ အသားအရေစိုပြည်စေတာပါ။ ဒါကြောင့် ရေများများသောက်ပေးဖို့လည်း မမေ့ပါနဲ့။

အိပ်ရေးဝအောင်အိပ်ပါ

အိပ်ရေးပျက်ပြီး stress တွေများနေရင်လည်း မျက်လုံးအောက်နားတစ်ဝိုက် အသားအရေခြောက်သွေ့ပြီး မျက်ကွင်းညိုတာ၊ အရေးအကြောင်းတွေပေါ်လာတာမျိုး ဖြစ်စေပါတယ်။ ဒါကြောင့် အိပ်ရေးဝအောင်အိပ်ဖို့ကလည်း အရမ်းကိုအရေးကြီးပါတယ်။ ညဘက်ကို ညဉ့်နက်တဲ့အထိ မနေပါနဲ့။ Screen time ကိုလည်း တတ်နိုင်သလောက် လျှော့ချပါ။