ဆံပင်ဖြူတာကတော့ ဆေးဆိုးလည်း ခဏနဲ့ပြန်ဖြူလာတာပါပဲ။ ဒါကြောင့် ဆံပင်ဖြူတာ သက်သာအောင်လုပ်တာက ပိုကောင်းပါတယ်။ ဆံပင်ဖြူတာက အသက်ကြီးမှမဟုတ်ပါဘူး။ အသက်ငယ်တဲ့အချိန်မှာလည်း ဖြူတာပါပဲ။ ဒါကြောင့် ဆံပင်ဖြူတာ သက်သာစေမယ့် နည်းလမ်းတွေနဲ့ ကြိုတင်ကာကွယ်လို့ရတဲ့ နည်းလမ်းတွေကို မျှဝေပေးလိုက်ပါတယ်။
Amla Juice (သို့) Amla Oil
Amla Juice ကို သောက်ပေးလို့ရသလို Amla Oil ကို ဆံပင်မှာလိမ်းပေးလို့လည်း ရပါတယ်။ ဒီနည်းလမ်းက ဆံပင်ဖြူသက်သာစေပြီး ဆံပင်ဖြူတာ မြန်မြန်မဖြစ်အောင် ကြိုတင်ကာကွယ်ပေးပါတယ်။ ဆံပင်သန်စွမ်းကျန်းမာဖို့အတွက်ပါ အရမ်းကောင်းပါတယ်။
Curry leaves
Curry leaves ကို ကြိတ်ချေပြီး အုန်းဆီနဲ့ရောကာ ဆံပင်ကိုလိမ်းပေးရင်လည်း ဆံပင်ဖြူတာ သက်သာစေပါတယ်။
Green Tea
Green Tea ပူပူလေးကို တစ်နေ့တစ်ခွက်၊ နှစ်ခွက် ပုံမှန်သောက်ပေးရင် ဆံပင်ဖြူတာ သက်သာစေတယ်၊ ဆံပင်မဖြူအောင် ကြိုတင်ကာကွယ်ပေးတယ်၊ အသားအရေအတွက်လည်း အကျိုးပြုသလို ညဘက်တွေ ကောင်းမွန်စွာ အိပ်ပျော်စေဖို့လည်း ကူညီပေးပါတယ်။
Black Tea
Tea Bag ကို ၃ ထုပ် (သို့) ၅ ထုပ်ယူပြီး ရေနွေးပူတစ်ခွက်ထဲ စိမ်ပေးပါ။ ပြီးရင် အအေးခံပြီး ဆံပင်အနှံ့စိုသွားအောင် လောင်းချပေးပါ။ ပြီးရင်တော့ ရေစစ်ပြီး တစ်နာရီထားပါ။ အချိန်ပြည့်မှ ခေါင်းပြန်လျှော်ပေးပါ။
နေပူထဲသွားရင်အကာအကွယ်ယူပါ
နေပူထဲသွားရင် ဦးထုပ် (သို့) ထီးဆောင်းပါ။ နေရောင်ခြည်က ဆံပင်ကို တိုက်ရိုက်ထိတာများရင် ကြာလာတဲ့အခါ ဆံပင်အရောင်လွင့်တာ၊ ဖြူတာတွေ ဖြစ်လာစေပါတယ်။
