ဖြောင့်ဆေးတွေနဲ့ ဆံပင်ဖြောင့်တာမျိုး မလုပ်ချင်ဘူး၊ သဘာဝအတိုင်းဖြောင့်သလိုမျိုးလေးပဲ ဖြစ်ချင်တယ်ဆိုတဲ့ သူတွေအတွက် သဘာဝအတိုင်း ဆံသားဖြောင့်စင်းစေဖို့ ကူညီပေးမယ့် နည်းလမ်းကောင်းတွေကို မျှဝေပေးလိုက်ပါတယ်။

သံပယိုရည်နဲ့အုန်းနို့

သံပယိုရည် – စားပွဲတင်ဇွန်း ၁ ဇွန်းနဲ့ အုန်းနို့ – ခွက်ရဲ့ လေးပုံ ပုံ တစ်ပုံစာတို့ကို ရောမွှေပြီး ရေခဲသေတ္တာထဲမှာ တစ်ညထည့်ထားပါ။ မနက်ရောက်မှ ဆံသားအနှံ့ သေချာလိမ်းပေးပြီး မိနစ် ၃၀ ထားပါ။ အချိန်ပြည့်ရင်တော့ mild ဖြစ်တဲ့ sulfate free shampoo နဲ့ ခေါင်းလျှော်လိုက်ရုံပါပဲ။

သံလွင်ဆီနဲ့ကြက်ဥ

သံလွင်ဆီ – စားပွဲတင်ဇွန်း ၃ ဇွန်းနဲ့ ကြက်ဥ – ၂ လုံးကို ဖောက်ပြီး ခလောက်လိုက်ပါ။ ပြီးရင်တော့ ဆံသားအနှံ့သေချာလိမ်းပြီး တစ်နာရီထားပါ။ အချိန်ပြည့်ရင် mild ဖြစ်တဲ့ sulfate free shampoo နဲ့ ခေါင်းပြန်လျှော်ပေးပါ။

ပျားရည်နဲ့နွားနို့

ပျားရည် – စားပွဲတင်ဇွန်း ၂ ဇွန်းနဲ့ နွားနို့ – ခွက်ရဲ့ လေးပုံ ပုံ တစ်ပုံစာတို့ကို ရောမွှေပြီး ဆံသားအနှံ့ သေချာလိမ်းပေးပါ။ ပြီးရင် ခေါင်းပေါင်းတဲ့အစွပ်နဲ့ အုပ်ထားပြီး ၂ နာရီထားပါ။ အချိန်ပြည့်မှ ခုနကလိုပဲ mild ဖြစ်တဲ့ sulfate free shampoo နဲ့ ခေါင်းပြန်လျှော်ပေးပါ။

ဆန်မှုန့်နဲ့ကြက်ဥ

ဆန်မှုန့် – စားပွဲတင်ဇွန်း ၅ ဇွန်းကို ကြက်ဥ – ၁ လုံး ဖောက်ပြီး အနှစ်ကိုဖယ်၊ အကာပဲယူထည့်ကာ ရောမွှေပေးပါ။ ပြီးရင်တော့ ဆံသားအနှံ့လိမ်းပြီး တစ်နာရီထားပါ။ ခေါင်းစွပ်တဲ့အစွပ်လေးနဲ့ အုပ်ထားပါ။ အချိန်ပြည့်မှ mild ဖြစ်တဲ့ sulfate free shampoo နဲ့ ခေါင်းပြန်လျှော်လိုက်ပါ။

ဒီနည်းလမ်းတွေထဲက ကိုယ်အဆင်ပြေရာတစ်မျိုးကို ရွေးချယ်ပြုလုပ်နိုင်ပါတယ်။ အဓိကကတော့ shampoo ကို mild ဖြစ်တဲ့ sulfate free shampoo သုံးပေးပါ။