ညနေခင်း ရုံးဆင်းချိန်တွေဆို စကားကို ဟဟ မပြောချင်လောက်အောင် ပင်ပန်းနေပြီဆိုရင် သဘာဝအတိုင်း လန်းဆန်းတက်ကြွလာအောင် ဒီနည်းလေးတွေ လုပ်ကြည့်သင့်ပါတယ်။
(၁) သဘာဝဖြည့်စွက်စာ စားသုံးပါ
Photo : Discover Walks
ဗိုက်တာမင်ဘီဟာ စွမ်းအင်နဲ့ ဆက်စပ်မှု ရှိတဲ့ ဓါတ်သဘာဝ ဖြစ်ပါတယ်။ ဆန်လုံးညို ၊ အနီရောင် အသား ၊ နို့ထွက်ပစ္စည်း ၊ ငါး ၊ ပဲအမျိုးမျိုး ၊ အစေ့အဆံ နဲ့ အစိမ်းရင့်ရောင် အသီးအရွက်တွေကို စားပေးရင်လည်း ဗိုက်တာမင်ဘီ ဖြည့်ဆည်းပေးနိုင်မှာပါ။
(၂) ရေများများသောက်ပါ
Photo : Women’s Health
ခန္ဓာကိုယ်ဟာ ရေဓါတ်နဲ့ ဖွဲ့စည်းထားတာ ဖြစ်ပြီး ရေဓါတ်ကုန်ခမ်းမယ်ဆိုရင် အလွယ်တကူ နွမ်းနယ်သွားနိုင်ပါတယ်။ ဒါ့ကြောင့် သွားလေရာမှာ ရေသန့်ဗူးလေး ဆောင်ထားပြီး ရေဓါတ်ကို ပုံမှန်ဖြည့်ပေးသင့်ပါတယ်။
(၃) ကျန်းမာတဲ့ လူနေမှုပုံစံ ဖြစ်အောင် နေပါ
Photo : Prep Perfect
ကိုယ်ကာယလေ့ကျင့်ခန်း လုပ်ခြင်းဟာ စိတ်ကို နိုးကြားတက်ကြွစေနိုင်တဲ့ အန်ဒိုဖင်းတွေ ထုတ်ပေးနိုင်ပါတယ်။ အေရိုးဗစ်လို လေ့ကျင့်ခန်းတွေ လုပ်ခြင်းဟာ ပင်ပန်းမှုတွေ လွင့်စင်အောင် ကူညီပေးနိုင်မှာပါ။ ဆေးလိပ်နဲ့ အရက်သောက်တတ်ရင်လည်း ဖြတ်ပါ။ အရက်သောက်ခြင်းဟာ သောက်နေစဉ်ပဲ ပျော်သလို ခံစားရပေမယ့် နောက်တစ်နေ့မှာ စိတ်ခံစားချက်တွေ ပိုဆိုးဝါးစေပြီး ကိုယ်ခန္ဓာပါ ဆိုးဝါးတဲ့ အကျိုးဆက်တွေ ဖြစ်စေနိုင်ပါတယ်။
စီးကရက်လည်း ဒီလိုပါပဲ။ ညဘက်တွေမှာ အိပ်ရေးဝဖို့ ၊ စောစောစီးစီး အိပ်ရာဝင်ပြီး နှစ်နှစ်ခြိုက်ခြိုက် အိပ်စက်နိုင်ဖို့က အရေးကြီးပါတယ်။ အိပ်ရေးမဝရင် စိတ်မကြည်တတ်သလို ပင်လည်း ပင်ပန်းလွယ်ပါတယ်။ စိတ်ဖိစီးမှုလည်း တတ်နိုင်သမျှ လျှော့ချပါ။ သောကများခြင်းဟာ လူကို ပိုပြီး ပင်ပန်းတတ်စေလို့ ဖြစ်ပါတယ်။
