ကြည်လင်တဲ့အသားအရေကို ပိုင်ဆိုင်ချင်တဲ့သူတွေအတွက် DIY Body Scrub 3 မျိုး ပြုလုပ်နည်းကို မျှဝေပေးလိုက်ပါတယ်။ အိမ်မှာ အလွယ်တကူလုပ်လို့ရတဲ့ နည်းလမ်းတွေဖြစ်လို့ လုပ်ရတာအဆင်ပြေစေမှာပါ။ Scrub တိုက်ပြီးတဲ့အခါမှာ ချက်ချင်းရေဆေးချတာမျိုး မလုပ်ပဲနဲ့ မိနစ်အနည်းငယ်လောက် ထားပြီးမှသာ ရေကြက်သီးနွေးနဲ့ ဆေးချပါ။ ပြီးရင် Lotion သေချာပြန်လိမ်းပေးဖို့လည်း မမေ့ပါနဲ့။
Lemon juice body scrub
သကြားတစ်ခွက်ကို ပန်းကန်ထဲထည့်ပြီး သံပယိုသီးတစ်လုံးကို အရည်ညှစ်ထည့်ပါ။ ပြီးရင် သံလွင်ဆီ (သို့) အုန်းဆီကို စားပွဲတင်ဇွန်း ၃ ဇွန်းထည့်ပြီး မွှေလိုက်ပါ။ ပြီးရင်တော့ Body Scrub အနေနဲ့ သုံးနိုင်ပါပြီ။
ဒီနည်းလမ်းကတော့ အသားအရေကြည်လင်စေရုံတင်မဟုတ်ပဲ အမဲစက်နဲ့ အမာရွတ်တွေလည်း ပါးသွားစေပါတယ်။
Coffee honey body scrub
ကော်ဖီကြမ်းတစ်ခွက်ကို ပန်းကန်ထဲထည့်ပြီး သကြား (သို့) ပင်လယ်ဆားကို ခွက်တစ်ဝက်စာ ထည့်ပေးပါ။ ပြီးရင် သံလွင်ဆီ (သို့) အုန်းဆီကို စားပွဲတင်ဇွန်း ၅ ဇွန်း၊ ပျားရည် – စားပွဲတင်ဇွန်း ၃ ဇွန်းထည့်ပြီး မွှေလိုက်ပါ။ အနံ့ပိုကောင်းချင်ရင် Lavender or Vanilla Essential Oil ကို နည်းနည်းထည့်လို့ရပါတယ်။ ပြီးရင်တော့ Body Scrub အနေနဲ့ သုံးနိုင်ပါပြီ။
ဒီနည်းလမ်းကတော့ Sensitive Skin တွေပါသုံးနိုင်ပြီး အသားအရေကြည်လင်လာစေပါတယ်။
Oatmeal body scrub
Oats ကို တစ်ခွက်စာယူပြီး ပန်းကန်လုံးထဲထည့်ပါ။ ပြီးရ်င Brown Sugar ကို ခွက်ရဲ့ လေးပုံပုံ တစ်ပုံစာ ထည့်ပြီးတော့ သံလွင်ဆီကိုလည်း ခွက်ရဲ့ လေးပုံပုံ တစ်ပုံစာ ထည့်ပါ။ ပြီးရင် ပျားရည် – စားပွဲတင်ဇွန်း ၃ ဇွန်းထည့်မွှေပါ။ ပြီးရင်တော့ Body Scrub အနေနဲ့ သုံးနိုင်ပါပြီ။
ဒီနည်းလမ်းကတော့ အသားခြောက်တာ၊ အသားအရေမွဲခြောက်တာတွေကို သက်သာစေပြီး အသားအရေ စိုပြည်ကြည်လင်လာစေပါတယ်။
